Tbilisinin daşınmaz əmlak bazarında aktivlik artan dinamikanı qoruyur. “TBC Capital”ın paytaxtın yaşayış daşınmaz əmlakı ilə bağlı icmalına görə, 2026-cı ilin iyul ayında Tbilisidə mənzil satışları illik müqayisədə 22% artıb və 4 409 əməliyyat qeydə alınıb.

Eyni araşdırmaya əsasən, hesabat dövründə daşınmaz əmlakın orta satış qiyməti illik müqayisədə 3% artaraq bir kvadratmetr üçün 1 359 ABŞ dolları təşkil edib.

“TBC Capital”ın məlumatları paytaxt rayonlarının qiymət kateqoriyalarına görə necə bölündüyünü aydın şəkildə göstərir.

Ən bahalı mənzillərin satış payının yüksək olduğu TOP 5 rayon
Daşınmaz əmlak bazarının icmalına əsasən, premium seqmentə – bir kvadratmetri 2 500 ABŞ dollarından baha olan mənzillərə – aid satışların payı əsasən mərkəzi rayonlarda yüksəkdir. Konkret olaraq:

• Mtatsminda – satılan mənzillərin 44%-i ən yüksək qiymət kateqoriyasına daxildir;
• Vake – satışların 38%-i bir kvadratmetri 2 500 ABŞ dollarından baha olan mənzillərin payına düşür;
• Saburtalo – həyata keçirilən əməliyyatların 12%-ində bir kvadratmetrin qiyməti 2 500 ABŞ dollarını keçir;
• Krtsanisi və Çuqureti – hər iki rayonda bir kvadratmetri 2 500 ABŞ dollarından baha olan mənzillərin satış payı 7% təşkil edir.

Ən ucuz mənzillərin satış payının yüksək olduğu TOP 5 rayon
“TBC Capital”ın araşdırmasına görə, büdcəli mənzillərin – bir kvadratmetri 900 ABŞ dollarından aşağı olan yaşayış sahələrinin – satış payı Tbilisinin kənar rayonlarında daha yüksəkdir. Konkret olaraq:

• Çuqureti – satılan mənzillərin 20%-ində bir kvadratmetrin qiyməti 900 ABŞ dollarından aşağıdır;
• Samqori – əməliyyatların 18%-i 900 ABŞ dollarınadək olan qiymət kateqoriyasına daxildir;
• Qldani və Nadzaladevi – hər iki rayonda ən ucuz mənzillərin satış payı 16% təşkil edir;
• Didube – satışların 16%-i 900 ABŞ dollarınadək olan seqmentin payına düşür.

Orta qiymət seqmentinə gəlincə, nəşrə əsasən, bir kvadratmetri 900-1 500 ABŞ dolları olan mənzillərin satışlarının ən yüksək konsentrasiyası aşağıdakı rayonlarda qeydə alınıb:

• Didi Diğomi – satılan mənzillərin 66%-i;
• Samqori – 62%;
• Qldani – 58%;
• İsani – 57%;
• Nadzaladevi – 49%.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.