Sentyabrın 8-nə keçən gecə Rusiya qüvvələri Kiyevə raket və dronlarla zərbə endirib. İki nəfər həlak olub, 16 nəfər xəsarət alıb.

Hücum ABŞ prezidenti Donald Trampın xüsusi elçiləri Stiv Uitkoff və Cared Kuşnerin səfəri ilə bağlı üçgünlük fasilədən sonra həyata keçirilib. Ukraynanın xarici işlər naziri Andriy Sibiqa "X" sosial şəbəkəsində yazıb ki, "ABŞ prezidentinin sülh elçiləri şəhəri tərk edən kimi, Putin Kiyevə növbəti genişmiqyaslı və dəhşətli hücuma başlayıb".

Ukrayna prezidenti Volodimir Zelenski hücumun güclü olduğunu, Rusiya qüvvələrinin mülki infrastruktur obyektlərini hədəfə aldığını bildirib.


Ukraynanın digər bölgələri, Odessa və Sumı vilayəti də hücuma məruz qalıb. Sumı vilayətində Kiyev-Sumı sərnişin qatarının lokomotivinə zərbə endirilib. Sərnişinlər təxliyə olunub, xəsarət alanlar barədə məlumat verilməyib.

Rusiya Müdafiə Nazirliyi bildirib ki, "Ukraynanın dronları və qanadlı raketlərin istehsalı və saxlanılmasında istifadə olunan hərbi-sənaye kompleksi obyektlərinə, Kiyev və Kiyev vilayətindəki nəqliyyat-logistika və paylayıcı mərkəzlərə, Odessa vilayətinin Çernomorsk limanındakı obyektlərə kütləvi zərbələr endirilib".

Ukrayna Hərbi Hava Qüvvələri Rusiyanın ötən gecə "Oniks" gəmi əleyhinə raketlər, ballistik raketlər, 32 ədəd X-101 qanadlı raketi və 166 dron buraxdığını bildirib. Məlumata görə, Ukrayna qüvvələri iki ballistik raketi, 31 qanadlı raketi və 142 dronu vurub. Buraxılan və vurulan raket və dronların sayı barədə müstəqil məlumat yoxdur.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.