Azərbaycan və Ermənistan sərhədinin delimitasiyası Gürcüstanla sərhədlərin kəsişmə nöqtəsindən başlayacaq. Bu barədə Azərbaycanın xarici işlər naziri Ceyhun Bayramov bildirib.

Onun sözlərinə görə, Azərbaycan və Ermənistan arasında dövlət sərhədinin delimitasiyası prosesinin Azərbaycan, Ermənistan və Gürcüstan sərhədlərinin kəsişmə nöqtəsindən başlaması və şimaldan cənuba doğru davam etdirilməsi barədə razılıq əldə olunub.

Xarici işlər naziri qeyd edib ki, ötən dövr ərzində iki ölkənin komissiyaları arasında çoxsaylı görüşlər keçirilib. Komissiyaların fəaliyyətini tənzimləyən bir sıra sənədlər isə həm Azərbaycanda, həm də Ermənistanda qəbul edilərək təsdiqlənib.

“Ümumi sərhədimizin delimitasiyasının hansı istiqamətdən başlayacağı və necə davam etdiriləcəyi ilə bağlı razılıq var. İşlərin daha mürəkkəb olan istiqamətdən – şimal sərhədindən, Azərbaycan, Ermənistan və Gürcüstan sərhədlərinin kəsişmə nöqtəsindən başlayacağı və şimaldan cənuba doğru davam etdiriləcəyi ilə bağlı razılıq və qarşılıqlı anlaşma mövcuddur”, – nazir bildirib.

Ceyhun Bayramov həmçinin qeyd edib ki, daha konkret məsələlər delimitasiya komissiyalarının iş formatında müzakirə olunur və onların həll ediləcəyi gözlənilir.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.