Marneulidə, Nərimanov küçəsində yerləşən qəzalı çoxmənzilli binanın taleyi hələ də qeyri-müəyyən olaraq qalır. Levan Samxarauli adına Məhkəmə Ekspertizası Milli Bürosunun rəyinə əsasən, binanın möhkəmləndirilməsinə ehtiyac olsa da, yerli özünüidarəetmə orqanı bunun üçün tələb olunan vəsaiti cari ilin büdcəsində nəzərdə tutmayıb.

“Marneuli” radiosu Marneuli meriyasına yazılı şəkildə müraciət edərək binanın probleminin həlli ilə bağlı mövcud planlar, görülməsi nəzərdə tutulan konkret işlər – reabilitasiya, söküntü və ya yeni binanın tikintisi – və büdcədə ayrılmış vəsait barədə məlumat istəyib.

Meriyanın rəsmi cavabından məlum olur ki, bina üçün layihə-smeta sənədləri artıq hazırlanıb. Lakin qurum binanın sökülməsinin və ya yeni binanın tikintisinin planlaşdırılıb-planlaşdırılmadığı ilə bağlı suala cavab verməyib.

Maliyyə resurslarına gəlincə, meriyadan bildirirlər ki, layihənin həyata keçirilməsi üçün tələb olunan vəsait cari ilin büdcəsində nəzərdə tutulmayıb.

Bununla belə, qurumun bildirdiyinə görə, məsələnin əhəmiyyətini nəzərə alaraq layihənin gələn ilin büdcəsi hazırlanarkən nəzərə alınmasına hazırdırlar.

Nərimanov küçəsi 1 ünvanında yaşayan sakinlər illərdir, təhlükəli şəraitdə yaşayırlar. Lakin işlərin nə vaxt başlayacağı və binanın möhkəmləndirilməsinin real olaraq nə qədər vəsaitə başa gələcəyi ilə bağlı konkret tarix və məbləğ meriyanın cavabında yenə də açıqlanmayıb.

Marneulidə Nərimanov küçəsi 1 ünvanında baş vermiş faciədən 4 il ötür. Eyvanın uçması nəticəsində baş verən hadisədə iki nəfər həyatını itirib.

“Marneuli” radiosunun meriyaya sualları:

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.