Sentyabrın 14-də Uels, Şotlandiya və Şimali İrlandiyanın birinci nazirləri Böyük Britaniya hökumətini konstitusiya dəyişikliklərinə hazırlaşmağa çağırıblar. BBC-nin xəbərinə görə, Kardiffdə birgə anlaşma memorandumu imzalayan liderlər Böyük Britaniyada "Vestminster dövrü"nün (Londonun mütləq hakimiyyətinin) bitmək üzrə olduğunu bəyan ediblər.

"Plaid Kimri" (Uels Partiyası), "Şinn Feyn" (Şimali İrlandiya) və Şotlandiya Milli Partiyasının (SNP) millətçi liderləri öz ölkələrinin Birləşmiş Krallıqdan ayrılmasını istəyirlər. Onların bu gün imzaladığı sənəddə deyilir ki, "heç bir Vestminster hökumətinin demokratiyanı bloklamağa və ya xalqların öz gələcəyini təyin etmək hüququna mane olmağa ixtiyarı yoxdur".

Şotlandiyanın birinci naziri Con Suinni və Şimali İrlandiyanın birinci naziri Mişel O'Nil birgə mətbuat konfransında müstəqillik referendumlarının keçirilməsi çağırışını ediblər. Uelsin birinci naziri Rin ap İorvert isə referendum məsələsinə dəstək versə də, öz ölkəsində səsvermə üçün hər hansı konkret vaxt açıqlamaqdan yayınıb.

BBC yazır ki, yerli hökumətlərə geniş səlahiyyətlərin verilməsi prosesinin başlanmasından bəri ilk dəfədir ki, Uels, Şotlandiya və Şimali İrlandiya hökumətlərinin rəhbərləri eyni vaxtda Birləşmiş Krallıqdan ayrılmağın tərəfdarı kimi çıxış edirlər.

Ötən həftə Böyük Britaniyanın İcmalar Palatasında Şotlandiyanın müstəqilliyi məsələsi yenidən gündəmə gəlib. Parlamentdəki ənənəvi sual-cavab sessiyasında çıxış edən baş nazir Endi Börnem ictimaiyyətin səsverməyə açıq dəstəyi olacağı halda, Şotlandiyada ikinci müstəqillik referendumunun keçirilə biləcəyinə işarə edib.

2014-cü ilin sentyabrında Şotlandiyanın müstəqilliyinə dair ilk referendumda seçicilərin 55 faizi Birləşmiş Krallığın tərkibində qalmağa, 45 faizi isə ayrılmağa səs vermişdi.

ABŞ prezidenti Donald Tramp bazar günü İrlandiya viskisinə tarifləri ləğv etdiyini açıqlayıb. O, İrlandiyada qolf turnirinin sonunda belə bir açıqlama verib. Tramp İrlandiyanın birləşməsinə dəstəyini bir daha səsləndirib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.