Rusiya və Ukrayna sentyabrın 15-nə keçən gecə qarşılıqlı zərbələr endirib, yanacaqdoldurma məntəqəsi və neft emalı zavodu hədəfə alınıb. Məlumatı yerli hakimiyyət orqanları və Telegram-dakı monitorinq kanalları yayıb.

Bu zərbələr ABŞ prezidenti Donald Trampın Moskva ilə Kiyevin bir-birinin enerji obyektlərini hədəfə almamaq barədə razılığa gəldiyini deməsindən bir neçə saat sonra baş verib.

Litva rəsmiləri isə bu gün – sentyabrın 15-də səhər saatlarında NATO qırıcısının ölkənin hava məkanına girən dronu vurduğunu bildiriblər.

Kiyev meri Vitali Kliçkonun sözlərinə görə, bu gün səhər Ukrayna paytaxtında yanacaqdoldurma məntəqəsi və anbarlar vurulub. Bir kişi ağır vəziyyətdə xəstəxanaya yerləşdirilib.

Ukrayna rəsmilərinə görə, Rusiya son aylar əsasən ölkənin cəbhəyanı bölgələrində və onların yaxınlığında 300-ə yaxın yanacaqdoldurma məntəqəsini vurub.

Rusiyanın Ukrayna ilə sərhədi yaxınlığında yerləşən Taqanroq şəhərinə raket hücumu nəticəsində "Ozon" onlayn pərakəndə satış şirkətinə, kənd təsərrüfatı şirkətlərinə məxsus anbarlara ziyan dəyib. Bu barədə sentyabrın 15-də Rostov vilayətinin qubernatoru Yuri Slyusar məlumat verib.

Samara vilayətinə hücumda 40 dronun məhv edildiyi açıqlanıb. Bu vilayətdə bir neçə neft emalı zavodu yerləşir. Telegram kanalları dron hücumundan sonra Samara vilayətindəki Sızran neft emalı zavodunun sənaye ərazisində yanğın göründüyünü bildirib.

NATO qırıcısı Litva üzərində dron vurub
Sentyabrın 15-də səhər saatlarında NATO qırıcısı Litva üzərində dronu vurub. Açıqlamanı Litvanın Milli Böhranların İdarə Edilməsi Mərkəzi (NKVC) yayıb. Bundan əvvəl paytaxt Vilnüsdə və ətraf bölgələrdə dron təhlükəsi ilə bağlı xəbərdarlıq elan edilib.

"Litva NATO-dakı müttəfiqləri ilə birlikdə öz hava məkanını müdafiə edəcək", – Litva prezidenti Gitanas Nauseda hadisədən sonra "X" platformasında yazıb.

Litvanın LRT ictimai yayımçısı NKVC-nin ilkin məlumatlarına istinadla bildirib ki, dron qonşu Belarusdan gəlib və qərb istiqamətində hərəkət edib.

Avropa İttifaqı və NATO üzvü Litvadakı insidentdən əvvəl Rusiya Polşa sərhədi yaxınlığında dron hücumları həyata keçirmişdi.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.