Xüsusi Penitensiar Xidmət 6 saylı penitensiar müəssisədə cəza çəkən Qiorqi Davitadzeyə qarşı seksual zorakılıq törədilməsi ilə bağlı ittihamı “qəti şəkildə təkzib edir”.

Qurumun bəyanatı Davitadzenin Apellyasiya Məhkəməsində müəssisənin deeskalasiya otağında mühafizəçilərin ona qarşı cinsi zorakılıq törətdiyini deməsindən sonra yayılıb.

“Bu, tamamilə yalandır və Davitadze ailəsinin penitensiar sistemin nüfuzdan salınması məqsədilə başladığı kampaniyanın davamıdır”, – deyə qurum bildirir.

Penitensiar Xidmət “yüksək ictimai marağı nəzərə alaraq”, “qanunla müəyyən edilmiş qaydada Davitadzenin deeskalasiya otağına yerləşdirilməsini və orada olduğu müddəti əks etdirən videoyazıları ictimaiyyətə açıqlamağa” hazır olduğunu bildirir.

Xidmətin məlumatına görə, bu materiala həm istintaq orqanlarının, həm də Xalq Müdafiəçisinin nümayəndələrinin artıq baxışı olub və “cinayət əlamətləri aşkar edilməyib”.

Bəyanatda deyilir: “Davitadzeyə qarşı nəinki seksual, ümumiyyətlə, heç bir zorakılıq baş verməyib”.

Xalq Müdafiəçisi Levan İoseliani bildirib ki, Ombudsman Aparatı məsələni və videomaterialı ətraflı araşdırıb və zorakılığı təsdiq edən sübutlar aşkar etməyib.

“Hər şey görünür” – Qiorqi Davitadze nə deyir
36 yaşlı Qiorqi Davitadze seksual zorakılığa məruz qalması barədə Apellyasiya Məhkəməsində keçirilən iclas zamanı danışıb. Onun söylədiklərini “TV Pirveli” yayıb.

Davitadzenin sözlərinə görə, №6 saylı penitensiar müəssisənin deeskalasiya otağında təxminən on mühafizəçi ona qarşı zorakılıq törədib və onu alçaldıcı şəkildə rəftar ediblər. Məhbusun iddiasına görə, hadisənin bir hissəsi videokameralara da düşüb.

“Məni deeskalasiyaya apardılar və zorlamağa məruz qoydular – barmaqla, əllə. […] Məni 10 nəfər, mühafizəçilər cinsi zorakılığa məruz qoydular. Kamerada hər şey görünür”, – deyə məhbus bildirib.

Davitadze həmçinin zorakılıqdan sonra intihara cəhd etdiyini deyib.
Məhkum məhkəmədə bildirib ki, adlarını çəkdiyi əməkdaşların məsuliyyət məsələsinə baxılmasa, aclıq aksiyasına başlayacaq.

Məhkəmə iclasında prokurorluğun nümayəndəsi Davitadzenin təsvir etdiyi faktla bağlı araşdırmanın aparıldığını təsdiqləyib.

Penitensiar Xidmət daha əvvəl nə deyirdi
Xüsusi Penitensiar Xidmət Qiorqi Davitadze ilə bağlı mümkün zorakılıq haqqında sentyabrın 21-də də bəyanat yayıb.

Qurum həmin vaxt da Davitadze ailəsinin ittihamlarını təkzib edib və bildirib ki, məhkum müəssisənin rejim tələblərini və daxili qaydalarını sistematik şəkildə pozur, münaqişəli vəziyyətlər yaradır və əməkdaşları şifahi təhqir edir.

Penitensiar Xidmətin məlumatına görə, Davitadze 2025-ci il dekabrın 21-də deeskalasiya kamerasına yerləşdirilib. Qurumun bildirdiyinə görə, ailə məhbusla ləyaqətini alçaldan rəftar edilməsi ilə bağlı iddialarını məhz bu epizodla əlaqələndirir.

Penitensiar Xidmətin məlumatına görə, 2026-cı il martın 3-dən etibarən Qiorqi Davitadzeyə aid videomateriallar fasiləsiz olaraq arxivləşdirilir.

Ailə istintaqın reaksiya verməsini tələb edirdi
Sentyabrın 21-də Qiorqi Davitadzenin ailə üzvləri və tərəfdarları aksiya da keçiriblər. Ailə iddia edir ki, №6 saylı penitensiar müəssisənin əməkdaşları Davitadzeyə qarşı zorakılıq törədib və məsul şəxslərin cəzalandırılmasını tələb edir.

Qiorqi Davitadze Tbilisi Sakrebulosunun keçmiş üzvü Avtandil Davitadzenin oğludur. Avtandil Davitadze 2014-cü ildə Sakrebuloya “Gürcü arzusu” koalisiyasının siyahısı ilə daxil olub və “Gürcü arzusu – Milli Forum” fraksiyasının üzvü olub.

Ailənin sözlərinə görə, istintaq müvafiq videoyazıları götürüb və penitensiar müəssisənin əməkdaşlarını dindirib, lakin onların heç biri barəsində cinayət təqibinə başlanılmayıb.

Qiorqi Davitadzenin anası İrma Davitadze №6 saylı penitensiar müəssisənin direktorunun və bir neçə əməkdaşın da məsuliyyətə cəlb olunmasını tələb edir.

Qiorqi Davitadze Daxili İşlər Nazirliyinin əməkdaşı Şalva Peradzenin yaralanması işi üzrə cəza çəkir. Davitadzenin ailəsi isə həbsxanada ona qarşı törədildiyini iddia etdiyi zorakılığı məhz Peradze ilə əlaqələndirir.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.