Pankisi dərəsində “Cokolo Təhsil Mərkəzi” bağlanıb. Təşkilatın
rəhbərləri bugün,
5 oktyabr tarixində binadan inventarları çıxarmağa başlayıblar.
Mərkəz 2014-cü ildən “Kaxeti Regional İnkişaf Fondu”nun bazasında
fəaliyyət göstərirdi. Mərkəzin yerləşdiyi bina Axmeta Meriyasına
(icra hakimiyyətinə) məxsusdur və təşkilat tərəfindən icarəyə
götürülmüşdü.
“Kaxeti Regional İnkişaf Fondu”nun rəhbəri İza Bekauri “Azadlıq
Radiosu”na bildirib ki, mərkəzi bağlamaq qərarı Axmeta Meriyasından
binanın icarə
müqaviləsinin uzadılmasına rədd cavabı aldıqdan sonra
verilib.
“Meriyadan bizə məktub ünvanlandı ki, Cokoloda müəyyən
planları olduğu üçün binanı boşaltmalıyıq. Biz müqavilənin
müddətini uzatmaları xahişi ilə müraciət etdik, lakin cavab olaraq
binanı 14 gün ərzində tərk etməyimizi bildirdilər”, –
deyə İza Bekauri deyir.
“Cokolo Təhsil Mərkəzi” Pankisi dərəsində yalnız gənclər üçün
qeyri-formal təhsil almaq üçün yeganə vasitə deyildi.
Məktəblilər müxtəlif fənlər üzrə, o cümlədən gürcü dili,
riyaziyyat, xarici dillər üzrə pulsuz hazırlaşa və təlimlərdə
iştirak edə bilərdilər.
Həmçinin mərkəzdə qadınlar üçün xüsusi kurslar fəaliyyət göstərirdi
– onlara kulinariya, tikiş, naxış, xarici dillər öyrədilirdi...
“Kaxeti Regional İnkişaf Fondu”nun məlumatına görə, hər il təhsil
mərkəzində 150-yə yaxın pankisili qeyri-formal təhsil alırdı.
Cokolo Təhsil Mərkəzi fəaliyyətini bu ilin fevral ayından
dayandırıb. Təşkilat rəhbəri İza Bekaurinin sözlərinə görə, buna
səbəb maliyyəsiz qalmalarına gətirib çıxaran "qəbul edilmiş
qanunlar"dır.
“Qrantlar haqqında” qanun hökumətin icazəsi olmadan müstəqil
qeyri-hökumət təşkilatlarına maliyyə almağı qadağan etdi.
Dəyişikliklər nəticəsində:
- Qrantın verilməsi üçün hökumətin və ya hökumət tərəfindən
müəyyən edilmiş səlahiyyətli şəxsin/orqanın razılığı
mütləqdir;
- Cavab üçün 10 günlük müddət müəyyən edilir;
- Şikayətin verilməsi hökumətin qərarını dayandırmır;
- Razılıq olmadan verilən qrantın qəbulu qadağandır;
- İcazəsiz qrant üçün cəza qrantı alana həvalə olunur –
“qrant məbləğinin ikiqat misli
miqdarında”.
“Buna baxmayaraq, düşünürdük ki, nə isə dəyişəcək və
mərkəz tam gücü ilə fəaliyyətə başlayacaq, lakin meriya bütün
yollarımızı bağladı”, – deyə Bekauri bildirib.
“Cokolo Təhsil Mərkəzi”nin bağlanması böyük
itkidir”, – deyə yerli sahibkar, mülki aktivist və
təhsil mərkəzinin keçmiş təlimçisi Şengeli Toxosaşvili “Azadlıq
Radiosu”na bildirib.
O, hesab edir ki, Axmeta Meriyası bu qərarı müstəqil şəkildə qəbul
edə bilməzdi və tapşırıq mərkəzi hakimiyyətdən gəlib.
Toxosaşvilinin sözlərinə görə, təşkilat rəhbəri İza Bekauri həmişə
vətəndaş cəmiyyətinin maraqlarını qoruyub ki, bu da hakimiyyətin
qıcıqlanmasına səbəb olurdu.
“Hətta su elektrik stansiyalarının (SES) tikintisi və Temirlan
Maçalikaşvili məsələsində Bekauri xalqın tərəfində durmuşdu, bu isə
hakimiyyətin xoşuna gəlmirdi”, – deyə Toxosaşvili
bildirir.
Axmeta meri Aleksi Pitsxelauri “Azadlıq Radiosu”na cavab olaraq
bildirib ki, onunla “iş saatlarında” əlaqə saxlanılsın.
Mənbə: radiotavisupleba.ge
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.