İaşvili adına Uşaq Mərkəzi Xəstəxanasının tibbi direktoru,
professor İvane Çxaydzenin məlumatına görə,
bu il Gürcüstana təxminən 200 min doza pulsuz və 100 faiz
yenilənmiş qrip peyvəndinin gətirilməsi planlaşdırılır.
Üçkomponentli peyvənd iki “A” tipli (Missuri və Darvin ştammları)
və bir “B” tipli (Tokio ştammı) komponentdən ibarətdir.
İvane Çxaydzeyə görə, qrip virusunun aktivliyinin pik dövrünü
dekabrın sonu və
yanvarın əvvəlində gözləmək lazımdır.
“Gözləntimiz budur ki, builki mövsüm uzunillik
məlumatların göstərdiyi statistik göstəricilər çərçivəsində olacaq.
Noyabr ayında qripə yoluxma hallarının artması başlayacaq, dekabrın
sonu və yanvarın əvvəli isə qripin aktivliyinin pik dövrü ola
bilər.
Statistikaya əsasən, 2026-cı il mövsümü son iki illə müqayisədə
daha az aktivdir – ilkin səhiyyə xidmətlərinə müraciətlərin sayı
azalıb, həmçinin xəstəxanaya yerləşdirilmə göstəricisi də aşağı
düşüb.
Dövriyyədə olan virusların növlərinə gəlincə, Xəstəliklərə Nəzarət
və İctimai Sağlamlıq Milli Mərkəzinin statistikasına əsaslansaq, ən
böyük pay rinovirusa düşür. Laboratoriya şəraitində təsdiqlənmiş
halların 60 faizi rinovirusla əlaqəlidir. Bu o deməkdir ki,
müraciətlər stasionar müalicəyə deyil, ilkin səhiyyə xidmətlərinə
yönəlib. Yüngül və orta dərəcəli xəstəliklərə səbəb olan virusların
sayında da artım qeydə alınır. Bunlara, sözdə, köhnə koronavirus,
paraqrip və adenovirus daxildir. Son həftələr ərzində koronavirus
infeksiyası halları da sabit şəkildə qeydə alınır.
Qripin erkən yayılmasının və qrip virusunun erkən başlamasının
qeydə alındığı yeganə ölkə Yaponiyadır. Qrip virusu avqust ayında
qeydə alınıb və bu, orada cari mövsümün fərqli olduğunu göstərir.
Bunun nə proqnoz baxımından, nə də real təsir baxımından Gürcüstana
heç bir təsiri yoxdur. Ölkədə qripə yoluxma halları artmayıb və
bunun əhəmiyyətli təsir göstərməsi də mümkün deyil. Buna görə də
gözləntimiz budur ki, bu il qrip mövsümü əvvəlki illərdə olduğu
kimi standart şəkildə keçəcək.
Bizdə qripin yayılması noyabr ayından başlayır. Oktyabrın sonu –
noyabrın əvvəli peyvənd üçün ideal dövr hesab olunur. Bu, xüsusilə
risk qruplarına – 65 yaş və yuxarı şəxslərə, ürək-damar sisteminin
ağır xəstəlikləri olanlara, 2 yaşadək uşaqlara, tibb işçilərinə və
digər şəxslərə aiddir.
Bir qayda olaraq, peyvənd oktyabr ayında gətirilir və təxminən 200
min doza pulsuz peyvəndin gətirilməsi planlaşdırılır ki, bu da ölkə
üçün tamamilə kifayətdir”, – deyə İvane Çxaydze bildirib.
Bununla yanaşı, o, qripə qarşı peyvəndin hər il vurulmasının nə
üçün lazım olduğunu da izah edib.
“Dövriyyədə olan qrip ştammları hər il fərqli olur. Ötən il “B”
tipli qrip virusu üstünlük təşkil edib, iki il əvvəl isə “A” tipli
virus. Qrip peyvəndi bir il ərzində qorunmanı təmin etmir. Qrip
peyvəndinin qoruyuculuğu ən yaxşı halda 6-8 ay davam edir. Bu il
peyvəndin tərkibi 100 faiz yenilənib. Üçkomponentli peyvənd o
deməkdir ki, bu il əhaliyə qripə qarşı qorunma təklif etmək
imkanımız olacaq və peyvəndin tərkibinə iki “A” tipli virus və bir
“B” tipli virusa qarşı komponent daxil ediləcək.
Həmçinin qeyd etmək lazımdır ki, mövsümi qrip peyvəndinin əsas
komponentlərini “A” tipli qripin Missuri ştammı, “A” tipli Darvin
ştammı və Tokio ştammı təşkil edir”, – deyə İvane
Çxaydze bildirib.
Mənbə: İnterPressNews
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.