Rusiya Ukraynaya qarşı ən irimiqyaslı hücumlarından birini həyata
keçirərək ölkənin enerji sektorunu hədəfə alıb,
70 raket və dron buraxıb. Prezident Volodimir Zelenskinin sözlərinə
görə, ölkə üzrə azı 11 nəfər həlak olub.
"Əsas hədəflərdən biri enerji infrastrukturumuz olub.
Ruslar ağır və nümayişkaranə zərbə vurmaq
istəyirdilər", – Zelenski Telegram-da yazıb.
Prezident Rusiyanın ballistik raketlərinin ən böyük problem
olaraq
qaldığını, hava hücumundan müdafiə üzrə yardım paketlərinin Ukrayna
üçün həyati əhəmiyyət daşıdığını vurğulayıb.
+++
Oktyabrın 7-nə keçən gecə Rusiya qoşunları Ukraynaya yenidən
irimiqyaslı zərbələr endirib.
Kiyevdə iki nəfər həlak olub. Mer Vitali Kliçkonun sözlərinə görə,
onların cəsədləri Darnitsa rayonundakı qaraj kooperativində yanğın
söndürülərkən tapılıb.
Digər rayonlarda qeyri-yaşayış tikililərinin yerləşdiyi ərazilərə
zərbələr qeydə alınıb. Yerli kanallar yazır ki, hücum nəticəsində
Kiyevdə "Dnipro-M" mağazalar şəbəkəsinin anbarı məhv edilib. Kiyev
vilayəti dronlar və ballistik raketlərlə birgə hücuma məruz qalıb.
Bunu Kiyev vilayət hərbi administrasiyasının rəhbəri Timur Tkaçenko
bildirib.
Poltava vilayət hərbi administrasiyasının rəhbəri Vitali Dyakivniç
Kremençuqa irimiqyaslı hücum olduğunu söyləyib. Onun sözlərinə
görə, çoxmənzilli binalar zədələnib, müəssisələrdən biri də hücuma
məruz qalıb. İki nəfər həlak olub, yeddi nəfər yaralanıb.
Dnepropetrovsk vilayətinin Nikopol rayonunda fərdi yaşayış evinə
zərbədən iki nəfər xəsarət alıb.
Zaporojyedə Rusiya qüvvələri nəqliyyat infrastrukturu obyektinə
hücum ediblər.
Ukraynanın rəsmi məlumatına görə, Rusiya ölkə ərazisinə
gəmiəleyhinə və ballistik raketlər, 48 qanadlı raket və 130 dron
buraxıb. Beş ballistik raket, 39 qanadlı raket və 117 dron vurulub.
Zərbələr əsasən Kiyev, Xarkov, Poltava və Dnepropetrovsk
vilayətlərinə yönəlib.
Rusiya Müdafiə Nazirliyi Kiyevdə və bir sıra vilayətlərdə "Fire
Point" şirkətinin raket və uzaqmənzilli dron istehsal edilən,
həmçinin saxlanılan obyektlərinin vurulduğunu bildirib. Qurum
Odessa vilayətində liman infrastrukturu obyektlərinin və dəniz
gəmilərinin də hədəf alındığını bəyan edib.
Mənbə: Azadlıq Radiosu
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.