Səhiyyə naziri Mixeil Sarcveladze bildirir ki, sosial baxımdan
təminatsız ailələrin yenidən yoxlanılması sayəsində dövlət bir neçə
milyon lari qənaət edib.
Yanvar ayından avqust ayınadək yaşayış müavinəti alanların sayı
təxminən 140 min nəfər azalıb. Sarcveladze müavinət alan əhalinin
yoxlanılması prosesinin yenə də davam edəcəyini bildirir.
"Bildiyiniz kimi, dövlət yoxlamalara fevral ayından
başlayıb. Sosial baxımdan təminatsız ailələrin məlumat bazasının
yoxlanılması daimi və fasiləsiz prosesdir və standart olaraq bütün
dövlətlərdə və sistemlərdə periyodik şəkildə həyata keçirilir.
Bizim dövlətimizin halında pandemiyanı nəzərə alaraq, öz vaxtında
moratoriut elan edilməsi haqqında qərar qəbul edilmişdi və bu
proses kifayət qədər uzandı.
Prosesin bərpasına gəlincə, biz bunu müəyyən prinsiplərə və məntiqə
əsaslandırdıq və təbii ki, maksimum intensiv rejimdə apardıq. Bərpa
olunması o demək idi ki, bu, birdəfəlik fəaliyyət deyildi. Müvafiq
olaraq, ilk növbədə yoxlanılması ən prioritet və təxirəsalınmaz
hesab etdiyimiz ailələr yoxlanıldı. Əvvəldən deyildiyi kimi, 65 min
ailə artıq yoxlanılıb və bu mərhələ başa çatb. Lakin proses
müxtəlif meyarlara əsaslanaraq davam edir və gələcəkdə də davam
edəcək. Bu, daima canlı olan bir prosesdir. Hər bir ailənin maliyyə
vəziyyəti dəyişir, bu da o deməkdir ki, dövlət də kimin dəstəyə
ehtiyacı olduğunu, kimin isə artıq olmadığını maksimum diqqətlə
nəzarətdə saxlamalıdır.
Birbaşa rəqəmlərə gəlincə, yoxlanılan ailələrin sayı 65 000-i keçir
və artıq 80 000-ə çatır. Bildiyiniz kimi, bu mövzu üzərində
işləməyə başlayanda bazada müavinət almaq hüququ olan 184 000 ailə
qeydiyyatda idi. Xalların yenidən paylanması və hesablanması
aparılır, bu da o deməkdir ki, əgər indiyədək kiminsə xalı yüksək
idisə, yoxlama nəticəsində aşağı qeydə alına bilər və ya
əksinə.
Qənaət edilən vəsaitlərə gəlincə, baza dinamik olduğu və müxtəlif
amillər nəzərə alınmaqla daima dəyişdiyi üçün ona yeni ailələr
əlavə olunur və ya tərk edir. Dəqiq rəqəmləri bu mərhələdə
səsləndirmək qeyri-mümkündür. Lakin tam əminliklə sizə deyə bilərəm
ki, baza tam şəkildə dəqiqləşdirildikdən sonra söhbət bir neçə on
milyon lari qənaətdən gedir", – deyə Sarcveladze
bildirib.
Avqust ayının vəziyyətinə görə yaşayış müavinəti alanların sayı 570
minədək azalıb. Sosial Xidmətlər Agentliyinin məlumatına görə, iyul
ayı ilə müqayisədə müavinət alanların sayı 6546 nəfər azalıb.
Ümumilikdə yanvar ayı ilə müqayisədə yaşayış müavinəti alanların
sayı təxminən 140 min nəfər azalıb.
Yaşayış müavinəti alanların ümumi sayından 153 258 nəfəri dövlətin
məşğulluq proqramına cəlb olunub ki, bu da 2026-cı ildən etibarən
artıq davam etdirilməyib, lakin 4 illik dövrü başa vurmalı olan
şəxslər hələ də sistemdə qalmaqdadırlar.
Mənbə: BusinessMedia
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.