Rusiya Federal Avtomobil Yolları Agentliyi – “Rosavtodor”, ölkənin
Daxili İşlər Nazirliyi və Şimali Osetiya rəhbərliyi
Yuxarı Larsda tərk edilmiş avtomobillərin ərazidən çıxarılması
məqsədilə onların inventarlaşdırılmasını həyata keçirəcək. Bu
barədə Rusiyanın “Mash” nəşri məlumat yayıb.
Nəşrin məlumatına görə, Yuxarı Larsdan ümumilikdə 500-dən çox
avtomobilin çıxarılması planlaşdırılır.
Rusiya-Gürcüstan sərhədində avtomobillərin toplanması 2022-ci ilin
fevralında, Rusiyada elan edilmiş hərbi
səfərbərlik səbəbindən
rusiyalıların ölkəni tərk edərək müxtəlif nəqliyyat vasitələri ilə
Gürcüstana gəlməyə çalışdığı dövrdə başlayıb.
Nəticədə dörd il ərzində yol kənarlarında təxminən 500 avtomobil
toplanıb. Onların ümumi dəyəri 100 milyon rubladək, yəni 1,2 milyon
ABŞ dollarına qədər qiymətləndirilir. Sökülmüş avtomobillərdən
ibarət sıra təxminən 4 kilometrə uzanır. Tərk edilmiş
avtomobillərin əksəriyyəti qarət edilib. Belə ki, onların təkər
diskləri, faraları, güzgüləri və salon hissələri çıxarılıb.
Nəşrin məlumatına görə, avtomobillərin bir hissəsi alverçilərə
satılıb və həmin şəxslər hələ də sərhəddə növbə çəkirlər. Digər
avtomobillər isə Gürcüstana gətirilməsinin mümkün olmaması
səbəbindən yerindəcə tərk edilib. Halbuki Gürcüstanın Rusiya
avtomobillərinə ayrıca qadağası yoxdur.
Nəşrin yazdığına görə, Rusiya vətəndaşları ölkəni tələsik tərk
etdikləri üçün lazımi sənədlərə malik olmayıblar. Bəzi hallarda
avtomobillər başqa şəxslərə məxsus olub və ya onların qeydiyyatı
ilə bağlı problemlər yaranıb.
“Pravda.ru” yazır ki, başqasına məxsus avtomobili sadəcə metal
qırıntısı kimi müsadirə etmək mümkün deyil. Avtomobilin yol
kənarında tərk edilməsi faktı öz-özlüyündə onun sahibinin mülkiyyət
hüququna xitam verilməsi demək deyil. Buna görə də avtomobillər
Yuxarı Larsdan çıxarılmadan əvvəl ilk növbədə onların sahiblərinin
kimliyi və avtomobillərin hüquqi statusu müəyyənləşdirilməli,
qanunla nəzərdə tutulan bir sıra prosedurlar tamamlanmalıdır.
“İnventarlaşdırma zamanı avtomobilin VIN-kodunun
qorunub-qorunmadığını və sahibinin kim olduğunu müəyyənləşdirmək
vacibdir. Yalnız bundan sonra avtomobilin evakuasiya edilməsi,
müvəqqəti saxlanması və ya əmlakın tərk edilmiş hesab olunması və
sonradan onun barəsində qərar qəbul edilməsi
mümkündür”, – “Pravda.ru” yazır.
Məlumat üçün bildirək ki, sentyabrın sonunda Şimali Osetiya rəhbəri
Sergey Menyailo Yuxarı Larsda Rusiya və Gürcüstanın sərhəd-keçid
məntəqələri arasında yerləşən və “illərdir pis vəziyyətdə olan”
ərazinin abadlaşdırılması barədə göstəriş verib.
Plana əsasən, bufer zonasında yeni asfalt örtüyü salınacaq,
həmçinin baryer hasar və tualetlər quraşdırılacaq. Paralel olaraq,
sərhəd-keçid məntəqələri arasındakı yol kənarında tərk edilmiş
avtomobillər məsələsi də həll edilməlidir.
Mənbə: BPN
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.