Marneuli bələdiyyəsinin Candar, Kürtlər,
Bəylər, Tsopi, Ağ körpü və Algeti 2 saylı ictimai məktəblərinə
rəsmi olaraq direktor əvəz ediciləri təyin
olunub.
Bu
haqda məlumatı "Marneuli" Radiosu ilə söhbəti zamanı Kənan Ömərov
dedi. Onun sözlərinə görə, direktor əvəz ediciləri Təhsil
Nazirliyindən müsahibədən keçərək 6 məktəbə müvəqqəti icra edici
direktor əvəz ediciləri təyin olunublar.
Gürcüstan Təhsil, Elm, Mədəniyyət və İdman Nazirliyindən “Marneuli”
radiosuna verilən məlumata görə, məktəblərə direktorların təyin
olunması ilə bağlı məlumatı Təhsil Nazirliyi yayımlayır, bu zaman
direktorluğa namizədlərin müvafiq şəhadətnamələri olmalıdır və
direktor olmaq üçün bir neçə mərhələdən keçməlidirlər. Hal-hazırda
direktoru olmayan məktəblər ola bilsin ki, bu vəziyyətlə
sertifikatlaşma probleminə görə üzləşiblər.
Təhsil Nazirliyi müəllimlərin seçimi müsabiqəsi ilə bağlı bu il də
məlumat yayımlayacaq, lakin bunun nə zaman olacağı dəqiq məlum
deyil.