Çində 6 bal gücündə zəlzələ olub, 12 nəfər dünyasını dəyişib
Çinin cənub hissəsində yerləşən Siçuan
əyalətində 6 bal gücündə zəlzələ baş verib.
Zəlzələ nəticəsində 12 nəfər dünyasını
dəyişib, ən az 125 nəfər isə yaralanıb. Lakin bəzi mənbələr
yaralıların sayının 134 olduğunu yazırlar.
Zəlzələnin episentri 16 kilometr dərinlikdə olub. Yerli mətbuatın
məlumatına görə, təbii fəlakət nəticəsində yollar və yaşayış
evlərinə ziyan dəyib, bir mehmanxana uçub.
Hadisə yerində xilasedicilər çalışırlar. Onlar dağıntılar altında
qalmış insanları çıxarırlar. Hökumət zəlzələdən zərər çəkən
məntəqəyə 5 min çadır, 10 min yataq və 20 min ədyal göndərib.
Çində ən güclü zəlzələlərdən biri Siçuan əyalətinin qərb hissəsində
2008-ci ildə baş vermişdi. Həmin zəlzələ nəticəsində 90 min insan
dünyasını dəyişmişdi.