Süleyman Süleymanovun xatirəsinə həsr olunmuş anım tədbir keçirilib (FOTO)
26 iyun
tarixində ictimai-siyasi xadim, jurnalist, tərcüməçi, “Gürcüstan”
qəzetinin mərhum baş redaktoru Süleyman Süleymanovun xatirəsinə
həsr olunmuş anım tədbir keçirilib.
Tədbir Tbilisidə fəaliyyət göstərən
M.F.Axundov adına Azərbaycan Mədəniyyəti Muzeyində təşkil
olunub.
Anım mərasimində Azərbaycanın Gürcüstandakı səfiri Dursun Həsənov,
"SOCAR Georgia GAS"-ın direktoru Azər Məmmədov, AMM sədri Fazil
Həsənov, jurnalist Təhməz Təhməzov, tarixçi Mahmud Kamaloğlu,
Süleymanovun ailə üzvləri, qələm dostları iştirak ediblər.
Tədbir iştirakçıları Süleyman Süleymanovu bir dəqiqəlik sükutla yad
edib, onun həyat və yaradıcılığından söhbət açıblar. Bu haqda
bizimlə söhbəti zamanı Süleymanovun qızı Leyla Süleymanova
dedi.
L. Süleymanova onu da əlavə etdi ki, tədbirdə iştirak edənlər S.
Süleymanovun həyat və yaradıcılığı haqda kitabın nəşr olunmasını
təklif ediblər.
Tədbirdə S.Süleymanovun həyat və yaradıcılığını əks etdirən fotolar
da nümayiş etdirilib.
Xatırladaq ki, S.Süleymanov Gürcüstan Ali Sovetin Rəyasət heyətinin
Fəxri Fərmanı ilə təltif edilib və Gürcüstan Əməkdar Mədəniyyət
işçisi fəxri adına layiq görülüb. 1981-ci ildə “Şərəf nişanı”
ordeni, 1997-ci ildə Gürcüstanın “Şərəf” ordeni ilə təltif
olunub.
S.Süleymanov 1972-ci ildən ömrünün sonuna qədər əvvəlcə “Sovet
Gürcüstanı” və 1990-cı ildən isə “Gürcüstan” qəzetinin baş
redaktoru vəzifəsində çalışıb. 2014-cü il iyunun 26-da Tbilisidə
vəfat edib.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166