Deputatın şəxsi həyatını əks etdirən kadrları internetə birinci yükləyən şəxs aşkarlanıb – DİN
Müvafiq bəyanatı Daxili İşlər Nazirliyində baş
tutan brifinqdə bir neçə dəqiqə əvvəl veriblər.
“İstəyirəm ictimaiyyətə bildirəm ki, şəxsi həyatı əks
etdirən kadrların yayımlanması işi ilə bağlı Daxili İşlər
Nazirliyinin Mərkəzi Kriminal Polis Departamenti, Baş Prokurorluqla
birgə bir neçə aylıq istintaq nəticəsində qeyd olunan kadrları
internetə birinci yükləyən şəxsi aşkar edib və məsuliyyətə cəlb
edib. Qeyd olunan şəxs kadrları internetə birinci yerləşdirib və
kadrlar hamı üçün əlçatan olub. Müttəhimə aid olan telefonda hər
növ ekspertizalar aparılıb. Qeyd olunan şəxsə qarşı artıq ittiham
irəli sürülüb. Aparılan müntəzəm istintaq fəaliyyəti nəticəsində
aydın olub ki, videonu 2019-cu ilin yanvar ayında hazırda qətl
törətdiyinə görə həbsdə olan Gürcüstan vətəndaşı D.A. Ermənistandan
internetlə yayımlanıb. Qeyd olunan kadrlar D.A. tərəfindən
“Facebook” sosial şəbəkəsində “Messenger” vasitəsilə Rusiya
vətəndaşı M.D. tərəfindən qəbul edilib.
İstintaq eləcə də müəyyən edib ki, kadrlar gizli şəkildə, qanunsuz
olaraq 2012-ci ilin mayında çəkilib. Buna görə 2016-cı ildə keçmiş
hakimiyyət nümayəndələri məhkum olunublar. Beynəlxalq əməkdaşlıq
çərçivəsində erməni hüquq mühafizəçilərinin köməyi ilə Ermənistanın
Cəzaçəkmə Müəssisələrindən D.A-nın mobil telefonu götürülüb.
Ətraflı ekspertiza nəticəsində aydın olub ki, video material məhz
həmin telefondan yayımlanıb.
D.A. və M.D.-ya qarşı şəxsi həyatı əks etdirən kadrların
yayımlanması faktı ilə bağlı ittiham irəli sürülüb. Tbilisi Şəhər
Məhkəməsinin hökmü ilə onların hər ikisi həbs olunub. Qeyd olunan
işlə bağlı cinayətdə başqa şəxslərin də iştirak edib-etmədiyini
aydınlaşdırmaq məqsədi ilə Gürcüstan Cinayət Məcəlləsinin 157-ci
prima maddəsinin birinci və ikinci hissələri ilə istintaq aparılır.
Qeyd edilməlidir ki, həmin cinayət işi ilə bağlı Gürücstan Cinayət
Məcəlləsinin 157-ci prima maddəsi ilə 19 nəfər həbs olunub və
məsuliyyətə cəlb edilib”, – DİN-dən bildirirlər.