Parlamentdə yeni hökumət üzvlərinin dinlənməsi prosesi müxalifətin boykotu fonunda davam edir
Gürcüstan
Parlamentində ikinci gündür ki, yeni hökumətə etimadın göstərilməsi
prosesi davam edir və proses səsvermə ilə başa
çatmalıdır.
Bu gün, 5 sentyabrda Komitələrin Birləşmiş İclasında nazirliyə 8
namizədi dinləyiblər. Dünənki kimi dinləmələrə “Vahid Milli
Hərəkat” və “Avropalı Gürcüstan” bu gün də etiraz edib.
Gürcüstanın baş naziri Mamuka Baxtadze istefası haqqında məlumatı 2
sentyabrda “Facebook”da yayımlayıb, 3 sentyabrda isə “Gürcü
Arzusu”nun lideri Bidzina İvanişvili baş nazirliyə Daxili İşlər
naziri Qiorqi Qaxariyanın namizədliyini irəli sürüb.
Baş nazirin istefası ilə hökumətin bütün tərkibi də istefa vermiş
hesab olunur. Müvafiq olaraq Parlament hökumətin yeni tərkibini
müzakirə etməli, onların strategiyasını dinləməli və daha sonra səs
vermə keçirməlidir.
Hökumətin yeni tərkibində baş nazir vəzifəsini Qiorqi Qaxariya
tutmalıdır, Daxili İşlər naziri vəzifəsini – DTX-nın rəhbəri
Vaxtanq Qomelauri, Müdafiə naziri vəzifəsini isə İrakli Qaribaşvili
tutacaq. Hökumətdə başqa dəyişiklik planlaşdırılmır.
Nazirlik və baş nazirliyə namizədlərin dinlənilməsi bütün həftə
ərzində davam edəcək və 8 sentyabrda, bazar günü hökumətə etimad
göstərmək məqsədi ilə səsvermə başa çatacaq.