İstintaq Xidməti qida məhsullarının saxtalaşdırılması ilə bağlı üç fakt aşkar edib
12:07 / 10.09.2019
Gürcüstanın
Maliyyə Nazirliyinin İstintaq Xidmətinin əməkdaşları, Milli Ərzaq
Agentliyinin nümayəndələri ilə birgə apardıqları əməliyyat
nəticəsində qida məhsullarının saxtalaşdırılması ilə bağlı üç fakt
aşkar ediblər.
İstintaq nəticəsində aydın olub ki, Kaxeti regionunda yerləşən üç
müəssisədə saxtalaşdırılmış ət yarımfabrikatları və balıq istehsal
eidilirmiş. Məhsulun tərkibi isə etiketdə qeyd olunan məlumata
uyğun deyilmiş.
İstintaq nəticəsində istehsal üçün hazırlanmış külli miqdarda
müxtəlif adlı məhsul aşkarlanıb və müvafiq ekspertiza aparılır.
Faktla bağlı Gürcüstan Cinayət Məcəlləsinin 197-ci maddəsinin
birinci hissəsi ilə istintaq aparılır. Həmin maddə 1-dən 3 ilə
qədər azadlıqdan məhrumetməni nəzərdə tutur.