Marneulinin 3 kəndində yolların təmir-bərpası, bir kəndində isə asfalt örtüyünün çəkilməsi planlaşdırılır
Marneuli meriyası 4 kənddə yollara asfalt
qatının çəkilməsi/təmir-bərpa işlərinin smeta sənədlərinin
hazırlanması üçün tender elan edib.
Birinci tenderə əsasən meriya Marneuli şəhərinin Yağlıca
məntəqəsində yollara asfalt qatının çəkilməsinin smeta sənədlərinin
tərtib olunması xidməti üçün 25 400 lari ödəyəcək.
İkinci tenderə görə meriya Dolisğana, Ağməmmədli və Xutor-Lejbəddin
kəndlərində yolların təmir-bərpa işləri üçün lazım olan smeta
sənədlərini 18 000 lariyə alacaq.
Marneuli meriyası hər iki tenderi 11 sentyabrda elan edib. Tenderdə
iştirak etmək istəyən şirkətlər isə 20 sentyabrdan 23 sentyabra
qədər müraciət edə bilərlər.
"Marneuli" Radiosu