19 yaşlı qızın qaçırılması ittihamı ilə 2 nəfər saxlanılıb
Daxili İşlər Nazirliyinin Kvemo Kartli Polis
Departamentinin Qardabani rayon İdarəsinin əməkdaşları 1990-cı il
təvəllüdlü P.A. və 1991-ci il təvəllüdlü İ.A.-nı qanunsuz şəkildə
azadlıqdan məhrum etmək ittihamı ilə saxlayıblar.
Cinayət 7-dən 10 ilə qədər müddətə azadlıqdan məhrum etməni nəzərdə
tutur.
“İstintaqla aydın olub ki, P.A., yoldaşı İ.A. ilə birgə
Qardabani bələdiyyəsinin Təzəkənd kəndindən, evlənmək məqsədi ilə,
həmin kəndin sakini 2000-ci il təvəllüdlü B.Q. nı qanunsuz
azadlıqdan məhrum edib və maşınla Marneuli istiqamətinə aparıb.
İkinci Keşəli kəndinə gedərkən, B.Q. qaça bilib, P.A. və İ.A. isə
hadisə yerindən qaçaraq gizləniblər. Hüquqmühafizəçiləri hər iki
müttəhimi, davamlı istintaq nəticəsində, hakimin hökmü əsasında
Tbilisidə saxlayıb. Mütəşəkkil qrup tərəfindən qanunsuz azadlıqdan
məhrum etmək faktı ilə bağlı Gürcüstan Cinayət Məcəlləsinin 143-cü
maddəsinin 3-cü hissəsinin “a” altbəndi ilə istintaq
aparılır”, – DİN-nin bəyanatında deyilir.