Yanvar-sentyabr aylarının göstəricilərinə
görə, Marneuli meriyası əmək haqqına 1 923 000 lari, Bələdiyyə
Məclisi isə 482 000 lari xərcləyib.
Marneuli meriyasının Malliyyə-Büdcə Xidmətinin rəhbəri Bələdiyyə
Məclisinin iclasında 2019-cu ilin üçüncü rübünə olan hesabatı
təqdim edib.
Vüqar Məmmədovun sözlərinə görə, 2019-cu ilin ilk doqquz ayına olan
göstəricilərə görə, bələdiyyə ümumilikdə 29 300 000 lariyə qədər
pul xərcləyib. Bundan 14 124 000 lari büdcənin xərclər maddəsinə
əsasən, 2 515 000 lari əməkhaqqı maddəsinə əsasən, 2 589 000 lari
isə mal və xidmət maddəsinə əsasən xərclənib.
“Mal və xidmət maddəsinə ofis, nəqliyyat, əmək
müqavilələri ilə işlə təmin olunanların xərcləri və müxtəlif
xərclər daxildir”, – Vüqar Məmmədov bildirib.
Məmmədov eləcə də qeyd etdi ki, Marneuli Bələdiyyə Məclisi ilk
doqquz ayın göstəricilərinə görə, 908 000 lari xərcləyib və bunun
482 000 larisi əməkhaqqına xərclənib. Meriya isə doqquz ay ərzində
3 306 280 lari xərcləyib ki, bunun da 1 923 000 lariyə qədəri
əməkhaqqına xərclənib.