DİN şəxsi məlumatların qanunsuz
şəkildə istifadə edir – bu haqda “Gürcüstan Gənc
Hüquqşünaslar Assosiasiyası” tərəfindən yayımlanan bəyanatda
deyilir.
GGHA-nın bəyanatına görə, onlar Gürcüstanın Dövlət Müfəttişliyi
Xidmətinə Daxili İşlər Nazirliyinin şəxsi məlumatların qanunsuz
şəkildə istifadə etməsi faktına reaksiya göstərilməsi üçün müraciət
edib.
GGHA-dan "Interpressnews"-a verilən məlumata görə, inzibati
xətalarla bağlı işlərin analizi nəticəsində DİN tərəfindən şəxsi
məlumatların qanunsuz şəkildə istifadəsi halları aydın olub.
“DİN Qeyd olunan növ işlərin müzakirəsində məhkəməyə
təqdim etmək üçün elektron informasiya bazasından (info.police.ge)
inzibati ödəmələrin yerləşdirilməsi ilə bağlı məlumatdan istifadə
edir. Onların əksəriyyətindən isə bir ildən artıq vaxt keçib.
Şəxs tərəfindən törədilmiş inzibati qayda pozuntuları haqqında
məlumatın bir neçə il saxlanılması mövcud qanunvericiliyə ziddir və
bunun dəyişdirilməsinə GGHA tərəfindən Konstitusiya Məhkəməsində
2017-ci ildə qazanılan iş əsas oldu. Konstitusiya Məhkəməsi
inzibati qayda pozuntularının vahid məlumat bankında qayda
pozuntuları haqqında məlumatın elektron formada daimi
saxlanılmasını konstitusiyaya zidd hesab edir. Qeyd olunan qərardan
sonra aydın oldu ki, inzibati qayda pozuntuları vahid məlumat
bankında qayda pozuntuları haqqında məlumatın elektron formada
daimi saxlanılması yolverilməzdir. Belə ki, müəyyən qeydlərin
saxlanılmasına 1 il müddətinə ehtiyac var. Buna baxmayaraq təsdiq
olunur ki, DİN yenə də məlumatı 1 ildən artıq
saxlayır”, – təşkilatdan bildirirlər.
GGHA Dövlət Müfəttişlik Xidmətinə müraciət edir ki, DİN-də inzibati
qayda pozuntuları haqqında şəxsi məlumatlardan istifadə olunması
faktını araşdırsın və qanuna uyğun olmayan halları aradan qaldırmaq
üçün qanunla nəzərdə tutulan ölçülər götürsün.