“Lelo” İctimai Hərəkatının təsisçisi Mamuka
Xazaradze İkinci İlia ilə görüşüb. Bu haqda Xazaradze “Facebook”da
yazır.
“Bütün Gürcüstanın katolik-patriarxı, müqəddəs İkinci İlia ilə
görüş. “Lelo” Hərəkatının məqsədləri və gələcək planları haqda
danışdıq. Eləcə də əsrin layihəsi – Anaklia limanından söhbət
açdıq. Bu layihə Sameqrelo və eləcə də bizim ölkəmiz və bütün
regionumuz üçün vacibdir.
Patriarx xeyir-dua verdi və uğurlar arzuladı. Birlikdə Gürcüstan
üçün!” – Xazaradzenin paylaşdığı məlumatda deyilir.
Dünən “Lelo” hərəkatının təsisçisi Mamuka Xazaradze haqqında sosial
şəbəkələrdə “Netgazeti”nin adı vurğulanmaqla saxta məlumat
yayımlanıb.
“Facebook”da müxtəlif dövlətə qarşı olan qruplar və səhifələr
Xazaradzenin çıxışını yayımlayıb və qeyd ediblər ki, o,
“Netgazeti”yə müsahibəsində belə deyib:
“Baxmayaraq ki, İkinci İliaya böyük hörmətim var,
aydındır ki, o, qocalıb. Gəncliyində daha müdrik çıxışları ilə
seçilirdi. Bunu ona görə demirəm ki, sonuncu ayin zamanı hansısa
ağır günahdan danışıb. Sadəcə, son illərdə aydın şəkildə düşünə
bilmir. Bəzən ümumiyyətlə düşünürəm ki, başqasının yazdığı mətnləri
oxuyur və məzmununu da başa düşmür. Buna görədə onun Şionu patriarx
təyin etməsi istisna deyil… İlianın özü də rahat olardı. Ona sülh
və sağlamlıq arzulamaq istəyirəm”.
Həqiqətdə isə Xazaradze “Netgazeti”yə belə bir müsahibə
verməyib.