Yol-nəqliyyat hadisəsi zamanı biri azyaşlı uşaq olmaqla iki nəfər xəsarət alıb
Tbilisin Çar Tamara prospektində yol-nəqliyyat
hadisəsi baş verib.
Qəza zamanı iki avtomobil toqquşub. Hadisə nəticəsində iki nəfər
yaralanıb, onlardan biri azyaşlı uşaqdır. Yaralılar təcili tibbi
yardım xidməti əməkdaşları tərəfindən xəstəxanaya aparılıb.
Daxili İşlər Nazirliyindən “Netgazeti”yə verilən məlumata görə,
faktla bağlı Gürcüstan Cinayət Məcəlləsinin 276-cı maddəsinin
ikinci hissəsi ilə istintaq başlayıb. Həmin maddə nəqliyyat
vasitəsinin təhlükəsizliyi və ya istismarı qaydasının sağlamlığa
ağır və ya qismən ağır xəsarət vurulması ilə nəticələn pozulmasını
nəzərdə tutur.