“Proporsional seçkilər ölkənin
demokratik inkişafı üçün mütləq atılmalı olan bir addımdır və ümid
edirəm ki, hər bir deputat səsvermə prosesində iştirak edən zaman,
ölkənin demokratik inkişafının və hər bir vətəndaşın qarşısında
olan məsuliyyətini dərk edəcək”, – bu barədə bəyanatı
Gürcüstanın baş naziri Qiorqi Qaxaria bugünkü hökumət iclasında
verib.
Qiorqi Qaxaria qeyd edib ki, sıfır baryerlə, proporsional
seçkilərin keçirilməsi ilə bağlı qərar, iqtidar komandası
tərəfindən ölkədə demokratik proseslərin sürətləndirilməsi məqsədi
ilə verilib.
“Bu məsələ ilə bağlı mövqeyimiz eynidir və xüsusilə vurğulamaq
istəyirəm ki, proporsional seçki sistemi ölkənin demokratik
inkişafı üçün mütləq atılmalı olan bir addımdır”, –
Q. Qaxaria deyib.