Vətəndaşlar dövlət məmurları tərəfindən yol verilən pozuntularla bağlı meriyanın Daxili Audit Xidmətinə müraciət edə bilərlər
Marneuli meriyasında Daxili Audit Xidmətinin
məlumat nömrəsi çalışır. Yenilik meriyanın rəsmi veb-səhifəsinə
yerləşdirilib.
Məlumatın analizi üçün dörd əsas komponent
qeyd olunub, ancaq mətndə nədən söhbət getdiyi tam şəkildə aydın
olmur.
Demək olar ki, bu nömrə bir növ anlaşılmazlıq yaradır. Meriyada
artıq qaynar xətt fəaliyyət göstərir (591 95 95 09), ancaq
meriyadan bildirdiklərinə görə, bu ikisi bir-birindən həqiqətən
fərqlənir. Təfərrüatları meriyanın Daxili Audit Xidmətinin rəhbəri
Beso Nijaradze izah edir və deyir ki, qeyd olunan nömrəyə zəng
vuran zaman (+995) 591 97 68 51 vətəndaşlar Daxili Audit Şöbəsi ilə
əlaqə saxlayacaqlar və orada dövlət məmurları ilə bağlı öz
“etirazlarını” bildirə bilərlər.
“Vətəndaşın dövlət məmurlarından narazılığı olduğu
halda birbaşa Daxili Audit Xidmətinə müraciət edə bilər. Bu məlumat
mərkəzinin əsas məqsədi budur. Hər hansı dövlət məmurunun yerinə
yetirdiyi funksiya və öhdəlikləri, ümumiyyətlə bu mərkəz hər şeyi
əhatə edəcək. Yəni dövlət məmurunun fəaliyyət prosesinə görə hər
bir vətəndaşa, yerli sakinə hüququnun pozulması, hansı növ hüquqdan
söhbət getdiyi, dövlət məmuru tərəfindən hansı qayda pozuntusuna
yol verildiyi ilə bağlı öz mövqeyini bildirmək imkanı
verilir”, – Beso Nijaradze deyir və bildirir ki,
dövlət məmuru tərəfindən qayda pozuntusu daxili auditin
funskiyasını aşarsa və başqa risklər qeydə alınarsa, bu halda
meriya müxtəlif strukturlara müraciət edəcək.
Meriyanın Daxili Audit Xidmətindən bildirirlər ki, ehtiyac olduğu
halda tərcüməçi xidməti də mümkün olacaq.