“Parlament fəaliyyətini
yeniləyib”, – Parlament sədri Arçil Talakvadze
büronun bugünkü iclasında bildirib. Büro iclası polislər tərəfindən
Parlament binası ətrafından aksiya iştirakçılarının
uzaqlaşdırılmasından sonra baş tutub.
Talakvadzenin sözlərinə görə, baxmayaraq ki, 2020-ci ildən
proporsional seçki sisteminə keçid təşəbbüsü yetərli səs toplamadı,
bu dəyişiklik 2024-cü ildən qüvvəyə minəcək və bu “Gürcü arzusu”
tərəfindən aparılan konstitusional islahatın nəticəsidir.
“Konstitusional dəyişiklik təşəbbüsünün yetərli səs
toplamaması faktı bizim vətəndaşların bir hissəsinin narazılığına
səbəb oldu. Əlbəttə, onların dinc etiraz etmək haqqı var və bu
hüququ qorunur və qorunacaq da. Təəsüfedicidir ki, müxalifətin bəzi
nümayəndələri yenə öz tərəfdaşlarını səhv yola yönəltdi və bizim
son 2 gün ərzində gördüyümüzə əsasən dinc etirazdan kənara
çıxdılar. Parlamentin bağlanmasını nəzərdə tuturam”,
- Talakvadze bildirib.
Talakvadzenin sözlərinə görə, o, dünən parlament müxaliftinin
liderləri ilə əlaqə saxlayıb və onlardan xahiş edib ki,
qanunvericilik çərçivəsinə qayıtsınlar.
“Onlara təklif etdim ki, parlamentdə müzakirə aparaq,
siyasi prosesi qaytaraq, siyasi debat olsun və onların mövqeləri
olan hər hansı məsələni müzakirə etməyə hazırıq, bunların hamısı
Gürcüstan parlamentində baş versin”, - Talakvadze
bildirib.
Talakvadze büro üzvlərinə parlamentin bağlanması zamanı aksiya
iştirakçıları tərəfindən binanın girişinə vurulan qıfılları
göstərib və deyib ki, onları simvolik olaraq müxalifətə
verəcək.
“Parlament müxalifətinin bir hissəsi canlı yayımda
parlamentin darvazalarına qıfıl qoyublar, bu adamlar kimdirlər – bu
adamlar zamanında insan hüquqlarına, mediaya, özəl əmlaka,
institutlara, ölkə azadlığı ideyasına qıfıl vuran adamlardır.
Bunların hamısını onlar tərcümə edirdilrə və mənimsənilmiş media
vasitələri ilə ictimaiyyəti inandırırdılar ki, bu azadlıq və
demokratiyadır. Onlar bu gün çalışırdılar ki, Gürcüstan
parlamentinə qıfıl vursunlar. Ona görə də onlara xatirə olaraq
vermək istəyirəm və simvolik olaraq sındırılmış qıfılı və zənciri
qaytarmaq istəyirəm. Bu qıfıl və zəncir simvolik olaraq onların
dövlətə və vətəndaşlara qarşı dəyər və yanaşmasını əks etdirir.
Onlar bunu saxlamalıdırlar ki, vətəndaş hüquqlarına, dövlət
əmlakına, mediaya və institutlara, heç parlamentə də qıfıl vura
bilməyəcəklərini həmişə xatırlasınlar”, - Arçil
Talakvadze bildirib.
Mənbə: Netgazeti