Afiq Novruzovun sözlərinə görə Azərbaycan səfirliyinin nümayəndəsi ona mahnıya görə hücum edib
Marneulili müğənni
Afiq Novruzov Tbilisi şəhərində restoranda yaşanan qalmaqalla bağlı
yeni bir video-müraciət paylaşıb.
O, video-müraciətdə
onlara dəstək olan hər kəsə təşəkkürünü bildirib və qeyd edib ki,
konsert proqramında qalmaqala səbəb olan şəxsin cəzalandırılmasını
istəyir.
Afiq Novruzov onu da əlavə edib ki, onlar Azərbaycan
Respublikasının Gürcüstandakı səfiri Dursun Həsənovla da
görüşüblər.
"Əziz dostlar, sizlərin hər birini salamlayıram.
Təşəkkür edirəm ki, bizə dəstək olursunuz. Mənə və Anara. Var olun.
Yaşasın bütün xalqımız. Yaşayın, var olun. Əziz dostlar, mən
istəyirəm ki, bizim bu davada bizə dəstək olasınız. Sonuna qədər
biz getməliyik. Deməli, dünən bir kanala da müsahibə vermişdik.
Anarla birlikdə. "Mtavari" kanalına. Orada da qeyd etmişdik ki,
bizə rus mahnısı sifariş etmişdilər və bizə fleş kartda gətirib
vermişdilər. Çünki orada gürcü qonaqları da var idi. Azərbaycanlı
qonaqlar da var idi. Türk qonaqlar da var idi və s. və o, elə başa
düşmüşdü ki, erməni mahnısı idi. Bir nümayəndə, bir səfirin
müavini, əgər erməni dili ilə rus dilini seçə bilmirsə, mən başa
düşə bilmirəm. Mahnının adı Devuşka stopdur. Devuşka stop adlı
mahnı gedirdi. Bugünkü günü mənə saxta profillərdən, o, da pul
buraxır bilmirəm nə edir bilmirəm, mənə də yazırlar ki, təxribat
yaratmaq istəyirlər. Dünən cənab səfir də bizi çağırdı. Cənab səfir
də bizdən xahiş etdi ki, videonu silək. Mən dedim yox. Mən
silməyəcəyəm. Sonuna qədər gedəcəyəm. O, insan cəzasını almalıdır.
Bizə dəstək olun. Sizdən çox-çox xahiş edirəm. O, insanın cəzasını
verək", – Afiq Novruzov deyib.
Qeyd edək ki, adı çəkilən mahnı erməni əsilli Türkmənistanlı
müğənni Аrsen Şaxunts tərəfindən rus dilində ifa
olunub.
Xatırladaq ki, Marneulili müğənni Anar Əsgərovun və Afiq Novruzovun Köhnə Yeni il
münasibəti ilə Tblisidə restoranların birində təşkil olunmuş
konsertində qalmaqal yaşanıb. Onların iddia etdiyinə görə,
Azərbaycan Respublikasının Gürcüstandakı səfirliyinin nümayəndəsi
onları təhqir edib.
Həmin videonu sizə təqdim edirik.