Bolnisidə "20 yanvar" faciəsinə həsr olunmuş anım tədbiri keçirilib (FOTO/VİDEO)
Bu gün, 19 yanvar
tarixində Gürcüstan Azərbaycanlıları Konqresinin təşkilatçılığı ilə
Bolnisi rayonunun Faxralı (Talaverdi) kəndində "20 yanvar"
faciəsinin 30-cu ildönümü ilə bağlı anım tədbir
keçirildi.
Tədbir 20 yanvar günü
Faxralı kənd sakini Şəhid Əhmədov İlqar Hümbət oğlunun qəbrini
ziyarətlə başladı.
Anım tədbirinin ruhani Əli Qəmbərov açaraq, Şəhidin ruhuna dualar
oxundu, məzarı üstünə qərənfillər düzüldü. Daha sonra GAK-ın sədri
Hüseyn Yusubova söz verildi.
Hüseyn Yusubov öz çıxışında "20 yanvar" günü şəhid olan
qəhrəmanların, həmin günü, Dünya Azərbaycanlılarının Qəhrəmanlıq
Səlnaməsinə qızıl hərflərlə yazdığını bildirdi.
Daha sonra tədbirdə çıxış edən ziyalılar "20 yanvar" günü baş verən
hadisələr haqda məlumatlar verdilər.
Tədbirdə dövlət nümayəndələri, Gürcüstan Parlamentinin Sabiq
deputatları Hidayət Hüseyinov və Ramiz Bəkirov, Faxralı kənd
ictimai məktəblərinin şagirdləri və kollektivi, elin ziyalıları,
gənclər və maraqlanan şəxslər iştirak etdilər.
Şəhid İlqar Əhmədovun qəbrinə ziyarət mərasimi Faxralı
məktəblilərinin səsləndirdiyi şeirlərlə yekunlaşdı.
Qeyd edək ki, 20 Yanvar faciəsi zamanı altı nəfər Gürcüstan
azərbaycanlısı şəhid olub.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166