İstintaq Xidməti böyük miqdarda saxta pulun istifadəyə verilməsi ittihamı ilə bağlı bir nəfəri saxlayıb
Gürcüstan Maliyyə
Nazirliyinin İstintaq Xidmətinin əməkdaşları aparılan əməliyyat
nəticəsində böyük miqdarda saxta pulun istifadəyə verilməsi
ittihamı ilə bağlı bir nəfəri saxlayıb.
“İstintaq nəticəsində aydın olub ki, müttəhim Tbilisidə
saxta 50 dollarlıq əsginasları istifadəyə verib. Aparılan istintaq
nəticəsində ümumi hesabla 16 550 ABŞ dolları dəyərində saxta
əsginas aşkarlanıb.
Gürcüstanın cinayət məcəlləsinin 212-ci maddəsinin ikinci hissəsi
ilə istintaq aparılır. Həmin maddə cəza olaraq 7 ildən 10 ilə qədər
həbs cəzasını nəzərdə tutur”, - İstintaq Xidmətindən
bildirirlər.