Marneuli meriyası ən az 5 yeni avtobus almaq üçün
2020-ci ilin büdcəsində 633 000 lari xərcləməyi nəzərdə
tutub.
Bu haqda məlumatı 23 yanvar tarixində Bələdiyyə Məclisinin
iclasında meriyanın Maliyyə-Büdcə Xidmətinin rəhbəri Vüqar Məmmədov
verib və qeyd edib ki, bələdiyyə nəqliyyatı şirkəti “Avtopark”
MMC-yə 2020-ci ildə ən az 5 avtobus verilməlidir.
Marneuli meri Zaur Darğallı etiraf edir ki, beş avtobusun alınması
problemi həll etməyəcək, sadəcə mövcud vəziyyəti
yüngülləşdirəcək.
Marneuli şəhəri və ətraf kəndlərə iki bələdiyyə şirkəti “Ekspress
Turist” MMC və “Avtopark” MMC xidmət göstərir. Demək olar ki,
nəqliyyat vasitələrinin əksəriyyəti köhnəlib.