Marneuli şəhərinin Çolokaşvili küçəsində elektrik dirəyi xarab
olub.
Dirək əyilib. Elektrik dirəyi yaşayış binasına yaxın yerləşir və
onu yıxılmaqdan ağac saxlayır.
“Marneuli” radiosu 16 noyabr tarixində qeyd olunan məsələ ilə bağlı
material hazırlamışdı. Ancaq iki həftə keçməsinə baxmayaraq dirək
yenə də təmir olunmayıb.
Marneuli bələdiyyəsinin İctimaiyyətlə Əlaqələr Şöbəsindən
bildirdilər ki, Çolokaşvili küçəsində yerləşən elektrik dirəyi
əhaliyə təhlükə yaratmır.
Çünki araşdırma nəticəsində müəyyən edilib ki, dirəyin yıxılmaq
təhlükəsi yoxdur. Buna baxmayaraq meriyadan bildirdilər ki,
elektrik dirəyinin təmirə ehtiyacı var və güman ki, həftə sonu
işlərə başlanılacaq.