27 may tarixində, Qasımlı İcma Mərkəzinin təşkilatçılığı ilə
Marneulinin Mərkəzi parkında,"Yenə də böyüyəcəklər" abidəsinin
ərazisində Azərbaycan və Gürcüstanın müstəqillik gününə həsr
edilmiş tədbir keçirilib.
Tədbirdə Qasımlı İcma Mərkəzinin rəqs qrupu müxtəlif çıxışlar
təqdim ediblər. Qasımlı İcma Mərkəzinin rəhbəri Arzu Bayramovanın
sözlərinə görə, müstəqillik gününü qeyd etmək üçün Marneulidə və
eləcə də Tbilisidə, Botanika bağında konsert keçirilir.
"Biz bu günü 27 may tarixində qeyd etməyə qərar verdik.
Çünki istəyirdik Azərbaycan və Gürcüstanın müstəqillik gününü
birlikdə qeyd edək. Qasımlı İcma Mərkəzinin rəüs qrupu ilə birlikdə
bir aydan artıqdır bu konsertə hazırlaşırıq. İstəyirik hər iki ölkə
daim müstəqil olsun. Azərbaycanın və Gürcüstanın bir qismi
olduğumuz görə, qürur duyuruq", – Qadımlı İcma
Mərkəzinin təsisçisi Arzu Bayramova bildirdi.
Gürcüstanın müstəqillik günü 26 may, Azərbaycanın müstəqillik günü
isə 28 may tarixində qeyd olunur.