“NATO Madrid sammitində Gürcüstana dəstəyin
genişləndirilməsini elan edəcək”.
Bunu Alyansın Baş katibi Yens Stoltenberq deyib.
“Biz tərəfdaşlarımız – Gürcüstan, Bosniya və Hersoqovina, Moldova,
həmçinin Mavritaniya və Tunis üçün yeni dəstək paketləri qəbul
edəcəyik”, - o bildirib.
Qeyd edək ki, Madrid sammiti 28-30 iyun tarixində keçiriləcək.
Toplantıda Alyansın yeni strateji konsepsiyasının qəbul ediləcəyi
gözlənilir.
Sammitdə Gürcüstanın Baş naziri İrakli Qaribaşvili iştirak edəcək.
O, bu gün bildirib ki, sammitdə Gürcüstanın NATO-ya inteqrasiya
yolunda əldə etdiyi nailiyyətlərin tanınacağına ümid edir.
Mənbə: report.az