Milli Statistika İdarəsinin məlumatına görə, 2021-ci ildə
Gürcüstanda 59 906 nəfər ölüb. Ölüm səbəbləri arasında ölüm
hallarının 37 faizini təşkil edən qan dövranı sistemi xəstəlikləri,
koronavirus xəstəliyi (18,8 faiz) və xərçəng xəstəliyi (12,8 faiz)
üstünlük təşkil edir.
Milli Statistika İdarəsinin məlumatına görə, ölüm səbəbləri əsas
siniflərə görə yaşla dəyişir.
Daha dəqiq desək, 5 yaşa qədər vəfat etmiş uşaqlarda perinatal
pozğunluqlar üstünlük təşkil edir. 5-39 yaş arasında travma,
zəhərlənmə, xarici səbəblərə məruz qalmanın müxtəlif nəticələri
üstünlük təşkil edir çünki bu yaş qrupu üçün bədbəxt hadisələrin
baş vermə ehtimalı nisbətən yüksəkdir. 40 və daha yuxarı yaşlı
əhalinin ölüm səbəbləri arasında isə qan dövranı sistemi
xəstəlikləri və yeni koronavirusun (COVID-19) yaratdığı xəstəlik
2021-ci ildə üstünlük təşkil edib.