“Gürcü arzusu”nun üzvü, deputat Dito Samxaradze “Gürcü Arzu”sunun
ofisindən bir neçə dəfə “Evə - Avropaya doğru” aksiyasının
iştirakçılarını söyüb.
Aksiya iştirakçılarının bir hissəsi parlamentə bitişik ərazidən
“Gürcü arzusu” ofisinə yaxınlaşanda Samxaradze Facebook-da yazıb:
“Ofisdə 10 nəfərik. Ağzı seliklinin siz qullarını gözləyirik”.
Yürüş “Arzu” ofisinə yaxınlaşdıqdan sonra deputat birbaşa ofisdən -
bir dəfə eyvandan, ikinci dəfə isə həmin an yüzlərlə polisin artıq
səfərbər olduğu idarənin girişindən etirazçıları bir neçə dəfə
söyüb.
Samxaradze söyüş videolarından birini Facebook-da yerləşdirib,
lakin qısa müddət sonra onu silib. Orada Samxaradzenin həm mitinq
iştirakçılarını, həm də Mixeil Saakaşvilini söydüyü eşidilir.