9-10 iyul tarixlərində Tbilisidə Gürcüstan və Ermənistan
idmançılarının iştirakı ilə “Lisis Tba” adlı beynəlxalq turnir
keçirilib.
Turnir Gürcüstan Kikboksinq və Muaytay Federasiyalarının
təşkilatçılığı ilə baş tutub. Yarışda Marneuli, Qardabani və
Bolnisidən olan idmançılar da iştirak ediblər.
Turnirə 9 idmançı ilə qatılan Qardabanidə fəaliyyət göstərən
“Qaracalar” idman klubunun idmançılarından 5-i birinci yerə, 4-ü
isə ikinci yerə çıxıb.
“Ratxan Osmanov, Özcan Əhmədov və Nihad Kərimov finalda
Ermənistanlı idmançılarla qarşılaşdılar. Digər iki idmançım – Paşa
Bayramov və Avtandil Mehdiyev isə yerli idmançılarla qarşılaşdılar.
Onlar yaxşı qələbə qazanaraq, birinci yerə çıxdılar. Digər
idmançılarım – Əmrə Hacıyev, Yunus Hacıyev, Fatih Səfərov və
Cavanşir Məmmədov isə 2-ci yerə layiq görüldülər”, –
Əliyev dedi.
Bolnisi rayonun Qoşakilsə kəndində fəaliyyət göstərən “İnam
Kikboksinq Klubu”nun yetirmələri də yarışda uğurla çıxış ediblər.
İdman məktəbinin məşqçisi Şahin Bəxtiyarovun bildirdiyinə görə,
idmançılar turnirə onun rəhbərliyi altında qatılıblar.
“Mənim rəhbərliyim altında yarışda 5 idmançı mübarizə
aparırdı. Onlardan Orxan Nəsibov, Məhəmməd Alməmmədov və Rifat
Məmmədov birinci yerə çıxdılar. Digər iki idmançım isə Əli
Əfəndiyev və Nuru Kələyev isə ikinci yerə layiq
görüldülər”, – Şahin Bəxtiyarov bildirdi.
Qeyd edək ki, idman klubunun yetirmələri bu günədək bir sıra yerli
və beynəlxalq yarışlarda iştirak edərək, bir sıra mükafatlara sahib
olublar.