Ukrayna taxılını daşıyan ilk gəmi limanı tərk edib.
Bu barədə Ukraynanın infrastruktur naziri Aleksandr Kubrakov
"Twitter"də bildirib.
“Rusiya təcavüzündən sonra Ukrayna taxılını daşıyan ilk
gəmi limanı tərk edib. Bütün tərəfdaş ölkələrin və BMT-nin dəstəyi
sayəsində biz İstanbulda imzalanmış Sazişi tam şəkildə həyata
keçirə bildik. Qlobal qida təhlükəsizliyinin təminatçılarından biri
olmaq bizim üçün vacibdir”, - nazir vurğulayıb.
Qeyd edək ki, Rusiya Qara dənizdə Ukraynaya məxsus limanları
mühasirədə saxlayır. Bu səbəbdən, Ukraynanın taxıl dolu gəmiləri
ünvanına yetişmir. Rusiyanın davranışı ilə əlaqədar Afrikanın bir
sıra dövlətlərinə taxıl çatışmazlığı yaranıb. Bu da dünyada ərzaq
məhsullarının qiymətinn bahalaşmasına təsir göstərən amillərdən
sayılır.
Türkiyə, Rusiya, Ukrayna və BMT arasında iyulun 22-də İstanbulda
imzalanan “Taxıl və ərzaq mallarının Ukrayna limanlarında
təhlükəsiz daşınması təşəbbüsü” razılaşmasına əsasən, taxıl
daşınacaq. Ukrayna taxılı ilə yanaşı Rusiya istehsalı olan gübrənin
də daşınmasına qoyulan mane aradan qaldırılacaq.