Xroniki və onkoloji xəstəliklərin müalicəsi üçün dərman
vasitələrinin qiymətlərinə yuxarı hədd qoyulacaq.
Səhiyyə nazirinin müavini İlia Quduşaurinin İnterpressnews-a
verdiyi məlumata görə, istinad qiymət proqramının metodologiyası
üzərində iş artıq aparılır və proses avqustun sonunda başa
çatacaq.
Onun izahatına görə, konkret generik satmağa qərar verən hər hansı
şirkət müəyyən edilmiş tarifdən yüksək qiymət təyin etməməyə borclu
olacaq.
“Biz istinad qiymət proqramının metodologiyası üzərində işləyirik.
Düşünürük ki, bu ayın sonuna kimi qeyd olunan istiqamətdə işləri
yekunlaşdıracağıq. Sonra texniki işə keçəcəyik. Düşünürük ki,
2023-cü il yanvarın 1-dən bəzi dərman vasitələri üçün istinad
qiymətləri qüvvəyə minəcək. Birinci mərhələdə xroniki və onkoloji
xəstəliklərin müalicəsi üçün dərman vasitələrinə qiymətlərin yuxarı
həddi müəyyən ediləcək.
Ümumiyyətlə, istinad qiymət siyasəti müəyyən generiklər üçün, yəni
bu aktiv maddəyə aid olan bütün dərmanlar siyahısı üçün maksimum
qiymətin müəyyən edilməsi deməkdir. Müvafiq olaraq, hər hansı bir
şirkət, aptek və ya distribyutor bu tənzimləmənin əhatə dairəsinə
daxil olan dərmanlar üçün müəyyən bir qiymətdən yüksək bir məbləğ
təyin etməmək məcburiyyətində qalacaq", - deyə
Quduşauri qeyd edib.