Bir il ərzində yaşayış müavinəti alanların sayı 19% artıb.
Sosial Xidmətlər Agentliyinin saytında dərc olunan statistik
məlumatlara əsasən, 2022-ci ilin iyun ayında 661 061 nəfərə yaşayış
müavinəti ödənilib ki, bu da əvvəlki ilin müvafiq dövrü ilə
müqayisədə 105 404 nəfər çoxdur. 2021-ci ilin iyun ayında dövlət
yardımına ümid edən 555 657 nəfər var idi.
Bundan başqa, son bir ildə özünü yoxsul hesab edən və maddi yardıma
ehtiyacı olan şəxslərin sayı 69 456 nəfər artıb.
O cümlədən, 2021-ci ilin iyun ayında 1 milyon 54 min 567 nəfər
ünvanlı sosial yardım proqramında qeydiyyatda idisə, 2022-ci ilin
iyun ayında bu rəqəm 1 milyon 124 min 23 nəfərə yüksəlib. Burada
artım 6,5% təşkil edir.