Milli Qida Agentliyinin məlumatına görə, Şərqi Gürcüstanda artıq 80 min hektar sahədə çəyirtkələrə qarşı dərmanlanmışdır.

Onların məlumatına görə, Şərqi Gürcüstanda çəyirtkələrlə mübarizə prosesi intensiv şəkildə gedir. Kaxeti bölgəsində, Dedoplistskaro bələdiyyəsində xüsusilə çox sayda italyan və mərakeş çəyirtkələri müşahidə olunur ki, bu da ərazidə çoxillik və birillik kənd təsərrüfatı bitkiləri üçün təhlükə yaradır.

“Milli Qida Agentliyinin rəhbəri Zurab Çekuraşvili çəyirtkə əleyhinə tədbirlərin gedişi ilə yerindəcə tanış olub.

Qurumun bitki mühafizəsi mütəxəssisləri xüsusi texnika və preparatlarla əkin sahələrini intensiv şəkildə dərmanlayıblar. Fermerlərin sözlərinə görə, görülən tədbirlər nəticəsində zərərvericilərin sayı azalıb ki, bu da məhsulun saxlanmasına şərait yaradır.

Şərqi Gürcüstanda artıq 80 min hektar ərazi çəyirtkəyə qarşı dərmanlanıb, o cümlədən Kaxetidə 21 min ha, Kvemo Kartlidə 45 min ha, Mtsxeta-Mtianeti və Şida Kartlidə 14 min ha.

Mərakeş və İtaliya çəyirtkəsi taxıl, tərəvəz və çoxillik bitkilərə zərər verən, bitkinin yaşıl örtüyü ilə qidalanan və çox vaxt əkinləri və bitkiləri tamamilə məhv edən zərərvericidir”, - məlumatda deyilir.