Sosial Ədalət Mərkəzi Bolnisi bələdiyyəsinin Dəllər (Muşevani) kənd
əhalisinin kəndə yaxın,
təxminən 800 metr məsafədə, açıq karyer qaydası və partlayış yolu
ilə filiz axtraşına etiraz etməsinə münasibət bildirib. Təşkilatın
açıqlamasına görə, dövlətin əhalinin ekoloji və sosial
narahatçılığını nəzərə alması, „RMG GOLD“ və „RMG Copper“-ə
lisenziya vermə prosesində əhalinin demokratik, real iştirakını
təmin etməsi mühümdür.
“İctimaiyyətə məlum olduğu kimi „RMG GOLD“ və „RMG
Copper“ şirkətinin 2042-ci ilə qədər Bolnisi və Dmanisi
bələdiyyəsində dövlətdən faydalı qazıntıların kəşfiyyatı və
çıxarılması üçün lisenziya alıb. Baxmayaraq ki, mövcud lisenziyalar
artıq yüzlərlər hektar ərazini əhatə edir. Şirkət istəyir ki, bu
dəfə Bolnisi bələdiyyəsinin Dəllər (Muşevani) kəndini axtarış
məkanına çevirsin. Şirkət hələ 2011-ci ildən “Qafqaz Dağ Qrupu”
MMC-yə verilmiş “Muşevani 2”-nin lisenziyasından istifadə etməyi
planlaşdırır. MMC lisenziyanı icarə ilə alıb. RMG 11 hektardan
artıq ərazini mənimsəməyi və açıq karyer qaydası ilə qızıl-mis
axtarışı aparmağı planlaşdırır. Bunun üçün o qərar qəbul etmək üçün
artıq Ətraf Mühitin Milli Agentliyinə müraciət
edib”.
Sosial Ədalət Mərkəzinin sözlərinə görə, Dəllər (Muşevani) kənd
əhalisinin böyük hissəsi kənd yaxınında planlaşdırılmış işlər
barədə 2022-ci ilin 14 iyulunda keçirilmiş ətraf mühitə təsirin
qiymətləndirilməsi hesabatının ictimai müzakirəsindən biliblər.
“Salam” təşkilatının köməyi ilə kənddə təşəbbüs qrupu yaradılıb.
Qrup 28 iyulda kənddə imza, kəndin fikir və qeydlərini toplayıb və
Ətraf Mühitin Milli Agentliyinə təqdim ediblər.
“Dəllər (Muşevani) kənd sakinləri üçün onların kənd
ərazisində açıq karyer qaydası ilə qızıl axtarışı işləri
qəbuledilməzdir. Çünki onu başqa kəndlər kimi ağır ekoloji və
sosial risklərlər əlaqələndirirlər. 28 iyulda Agentliyə təqdim
edilmiş məktubda qeyd olunub ki, layihə əhalinin başa düşəcəyi
dildə tərcümə olunmayıb. Məktubu 217 nəfər imzalayıb. Eləcə də
layihə sənədlərindən aydın olurdu ki, şirkət Dəllər (Muşevani)
kəndində partlayış metodu ilə ildə 55 dəfə faydalı qazıntıların
axtarışını planlaşdırır. Bununla yanaşı partlayış işləri əhalinin
yaşayış evlərindən 800 metr aralıda həyata keçirilməlidir. Əhali
buna qarşıdır. Əlavə olaraq, baxmayaraq ki, şirkətin açıqlamasına
görə, təxminən 50 yerli sakinin işlə təmin edilməsi planlaşdırılır,
yerli sakinlər üçün bu vəziyyət aydın deyildi, işlə təmin edilmək
üçün kifayət qədər zəmanətlərdən ibarət
deyildi”.
Sosial Ədalət Mərkəzi bildirir ki, RMG şirkəti əhalinin bir qismini
çaşdırmağa cəhd edir və onlarla qeyri-müəyyən hüquqi məzmunlu
“memorandum” bağlayır. Şirkət “memorandumla” kəndi içməli su ilə
təmin etmək öhdəliyi götürür, əvəzində isə imza üçün kənd əhalisi
ilə ünsiyyətdə yardım tələb edir.
“Memorandumda” şirkətin burada qızıl və mis axtarması
aydın açıqlanmayıb. Məhz qeyd olunan məsələ bu gün müəyyən
şəxslərin RMG Copper-ə qarşı çıxan əhalinin münaqişəsinə səbəb
olub. Onların sözlərinə görə, şirkət su və qaz təminatına vəd
verib. Məhz buna görə onun fəaliyyətinə qarşı çıxmırlar. Əhalinin
bugünkü imzaladığı petisiya/ərizədə qeyd olunub ki, onlar Dəllər
(Muşevani) kəndində RMG Copper tərəfindən qızıl-mis yatağının
işlənməsinə qarşıdırlar, müvafiq qurumlardan qərar qəbul olunan
zaman yerli əhalinin mövqeyini nəzərə almağı tələb
edirlər”, – təşkilatın bəyanatında deyilir.
Sosial Ədalət Mərkəzi dövlət qurumlarını əhalinin ehtiyacına uyğun
olaraq, onların maraqlarını nəzərə almaq məqsədi ilə vaxtında və
ədalətli ölçülər götürməyə çağırıb.