Marneuli meriyasının binasının təmir-bərpa işləri üçün beşinci dəfə
tender elan edilib.
Təxminən yeddi aydır ki, yerli özünüidarə işlər üçün tenderləri
nəticəsiz elan edir.
Meriyanın maliyyə-büdcə xidmətinin keçmiş rəhbəri Vüqar Məmmədov üç
dəfə baş tutmayan tenderlə bağlı bildirmişdi ki, bələdiyyə
tenderlərin pozulma səbəbini mütləq araşdıracaq, yenidən
qiymətləndirmə edəcək və yeni tenderi güman ki, artırılmış dəyərlə
elan edəcək.
Meriya binasının təmir-bərpa işləri ilə bağlı tenderin dəyərini
avqust ayında 25 931 lari artırıblar. Ancaq tenderdə heç kim
iştirak etməyib. Yeni tender həmin dəyərlə bu dəfə 22 sentyabr
tarixində elan olunub. İştirak etmək istəyən şirkətlər 30
sentyabrdan 3 oktyabra qədər təkliflərini təqdim edə bilərlər.
Qalib şirkət işləri müqavilə bağladıqdan sonra 120 gün ərzində
təhvil verməlidir.
Layihəyə əsasən, birinci mərtəbədə əhalinin ünsiyyət prosesinin
asanlaşdırılması məqsədi ilə dəftərxana otağı sahəsinin
artırılması, aralıq bəndlə sahənin bölünməsi nəzərdə tutulub. Eləcə
də birinci mərtəbədə layihə ilə dəhliz divarlarının boyanması və
qapıların dəyişdirilməsi nəzərə alınıb. Birinci mərtəbədəki
otaqların bəzilərində təmir işləri planlaşdırılır. İkinci mərtəbədə
olan qovşaqların yenilənməsi və mövcud iş otağında yeni qovşağın
qurulması, üçüncü mərtəbədə pilləkən divarlarının suvanması,
rənglənməsi və s. nəzərdə tutulub.