Avropa Parlamenti “Ukrayna və Gürcüstanın qeyri-qanuni işğal
olunmuş rayonlarında” Rusiya tərəfindən verilmiş pasportların və
digər səyahət sənədlərinin tanınmaması barədə qərarı təsdiqləyib.
Bu barədə Avropa Parlamentinin rəsmi saytında məlumat verilib.
Söhbət vizaların verilməsinə qadağadan gedir. 531 deputat müvafiq
təklifin lehinə, 7-si əleyhinə, 34-ü isə bitərəf qalıb.
Avropa Parlamenti qeyd edir ki, qərar Ukraynadakı münaqişədən qaçan
vətəndaşlara təsir etməyəcək - onlar hələ də humanitar əsaslarla
Aİ-yə daxil ola biləcəklər.
Bundan əvvəl Ukraynanın Rusiya tərəfindən ilhaq edilmiş
bölgələrində, o cümlədən de-fakto Abxaziya və Cənubi
Osetiya/Tsxinvali respublikalarında verilmiş Rusiya sənədlərinin
tanınmaması ilə bağlı Avropa İttifaqında razılaşdırılmış qərardan
məlum olub.
Rusiya pasportlarına qoyulan qadağa Abxaziyadakı beynəlxalq və
qeyri-hökumət təşkilatlarının işinə, xüsusən də Brüssel tərəfindən
maliyyələşdirilən layihələrə təsir edə bilər. Bu barədə işğal
olunmuş Abxaziyanın qondarma xarici işlər naziri İnal Ardzinba
bildirib.