Gürcüstanın keçmiş prezidenti Mixeil Saakaşvilinin anası bəyanatla çıxış edərək ictimaiyyəti sabah, dekabrın 9-na planlaşdırılan aksiyaya gəlməyi xahiş edir.

Bu bəyanat Mixeil Saakaşvilinin rəsmi Facebook səhifəsində dərc olunub.

“Mən Gürcüstan cəmiyyətinə müraciət etmək istəyirəm. Oğlum, Gürcüstanın üçüncü prezidenti və Ukrayna Milli İslahat Şurasının sədri ölüm ayağındadır. Klinika həkimləri ümidsizliyə qapılıblar.

Mən hamıdan oğlumu, hakimiyyət orqanlarını, Gürcüstan və beynəlxalq ictimaiyyəti xilas etməyi xahiş edirəm. Proses baş verəndə bütün biganə olmayan şəxslərdən xahiş edirəm ki, məhkəməyə gəlsinlər və heç bir siyasət olmadan dinc şəkildə insan həyatının xilası üçün öz mövqelərini bildirsinlər.
Həyatımda heç vaxt mən belə bir çağırışla müraciət etməmişəm, amma indi mənim üçün çox çətin an gəlib və hər kəsin həmrəyliyinə ümid edirəm”, - Alasanianın bəyanatında deyilir.

Dekabrın 9-da Mixeil Saakaşvilinin cəzasının təxirə salınması və ya azad edilməsi üzrə məhkəmə prosesi ilə eyni vaxtda “Milli Hərəkat” Tbilisi şəhər məhkəməsində Saakaşviliyə dəstək aksiyası keçirəcək.