Gürcüstanın sabiq prezidenti Mixeil Saakaşvilinin cəzasının təxirə
salınması və ya azadlığa buraxılması ilə bağlı Tbilisi Şəhər
Məhkəməsində İctimai Müdafiə Şurasının həkimi, nevroloq Tengiz
Tsuladze ilə müsahibə keçirilib.
Tengiz Tsuladzenin sözlərinə görə, anoreksiya və kaxeksiya
iştahsızlıq, ürək bulanmasına səbəb olur, nəticədə Mixeil
Saakaşvili artıq yemək qəbul edə bilmir. Onun sözlərinə görə,
Saakaşvili kaxeksiyanın dördüncü səviyyəsindədir, kaxeksiya ciddi
diaqnozdur və ömrün uzunluğuna təsir göstərir.
“Başlanğıcda aclıq aksiyasına başlayanda yəqin yemək
yemirdi. İndi isə daha yeyə bilmir.
Bu, xəstə tərəfindən idarə olunmur. O, bunu belə asanlıqla idarə
edə bilməz. Onun öz müalicə protokolu var və yəqin ki, həmkarları
müalicə edir. Son vaxtlar nə verirlər, bilmirəm”-
deyə həkim izahat verib.
Həkimin sözlərinə görə, Mixeil Saakaşvili arıqlamağa davam edərsə
və 52 kiloqramdan aşağı düşərsə, o, öləcək.
“Əgər xəstə arıqlamağa davam edərsə və kütlə indeksi 14-ə düşərsə,
yəni çəkisi 52 kiloqramdan aşağı düşərsə, öləcək. Biz bu indeksi
görəndə 20 və ya 21 idi.
Kaxeksiya demansdan daha ağırdır. Kaloriləri hesabladıq və onun 400
kalori aldığını gördük. Həyati funksiyaları qorumaq üçün ona 1100
kalori lazımdır. Ancaq ümumiyyətlə, belə bir vücuda sahib olan
insan 1800-2000 kalori qəbul etməlidir”, - Tengiz
Tsuladze bildirib.