Gürcüstanda hər 5 nəfərdən biri ölkəni tərk etmək barədə düşünür.
Bu barədə Milli Demokratik İnstitut (NDI) təşkilatının əhali
arasında keçirdiyi sorğunun nəticəsində qeyd olunub. Bildirilib ki,
paytaxt Tbilisinin, eləcə də böyük şəhərlərin sakinlərinin və
gənclərin üçdə biri ölkəni tərk etmək istəyir.
Miqrasiya etmək istəyənlərin əksəriyyətinin kişilər olduğu qeyd
olunub.
Dekabrın 3-dən 20-dək ölkə ərazisində üzbəüz müsahibə şəklində
keçirilən sorğuda 2519 nəfər iştirak edib.