Moldova prezidenti Maya Sandu şəxsi Twitter səhifəsində Mixeil Saakaşvilinin səhhətinin vəziyyəti ilə bağlı açıqlama verib.

Moldova Respublikasının Prezidenti qeyd edib ki, Saakaşvilinin ağır fiziki vəziyyəti son dərəcə narahatlıq doğurur:

“Mixeil Saakaşvilinin kritik fiziki vəziyyəti son dərəcə narahatedicidir. Müxalifət liderinin işgəncə ilə öldürülməsi Avropa Birliyinə üzv olmaq istəyən ölkə üçün qəbuledilməzdir. O, dərhal buraxılmalı və müalicə üçün xaricə getməlidir”, - Maya Sandu bildirib.

Fevralın 1-də Mixeil Saakaşvili Tbilisi Şəhər Məhkəməsində davam edən iclasda distant iştirak edib.

Saakaşvilinin dediyi kimi, onun vəziyyəti kəskin şəkildə pisləşib və xahiş etdiyi yeganə şey adekvat müalicə imkanının verilməsidir.