Gürcüstan bütün kriteriyalar üzrə Ukrayna və Moldovadan irəlidədir.
Bunu Gürcüstanın hakim “Gürcü Arzusu” partiyasının sədri İrakli
Kobaxidze Avropa Komissiyasının Gürcüstanla bağlı hesabatına
münasibət bildirərkən deyib. O. bildirib ki, bu sənəd Gürcüstanın
həm Moldovadan, həm də Ukraynadan irəlidə olduğunu göstərir.
“Biz praktiki olaraq bütün kriteriyalar üzrə Moldovadan irəlidəyik,
bura fundamental məsələlər və nisbətən ikinci dərəcəli məsələlər
daxildir. Digər sözlə, biz Moldovadan hər şeydə irəlidəyik və
Gürcüstan və Moldova arasında fərq çox böyük və aşkardır. Ukraynaya
gəldikdə isə biz başa düşürük ki, bu ölkə müharibə vəziyyətindədir
və müəyyən sahələrdə yardıma ehtiyacı var. Məsələn müdafiə və
təhlükəsizlik sahəsində Ukrayna bizdən irəlidədir və biz buna
qısqanclıqla yanaşmırıq. Bu ölkə müharibə şəraitindədir və buna
görə də o, qiymətləndirilərkən müəyyən güzəştlər qəbul
edilib”, - deyə Kobaxidze keçirdiyi brifinqdə
bildirib.