Gürcüstanın Kareli bölgəsində idmanın Braziliya ciu-citsusu növü
üzrə ölkə çempionatı keçirilib.
Çempionatda Gürcüstanın şəhər və rayonlarından 100-dək idmançı
iştirak edib.
Marneulidən olan gənc idmançı İmran Məmmədov 100 kiloqram (kq) çəki
dərəcəsində birinci yeri tutub.
Bundan başqa, məşqçi və idmançı İmran Məmmədovun yetirmələri
Ramazan Vəliyev 80 kiloqram çəki dərəcəsində, Vusal Abılov 55
kiloqramda 2-ci yerə, Samir İsayev isə (70 kq) 3-cü yerə sahib
olublar.
İmran Məmmədov bildirib ki, azərbaycanlı idmançılar indi beynəlxalq
miqyaslı yarışlara hazırlaşırlar. Beynəlxalq turnirlərdə iştirak və
qalib gəlmək qarşıda duran ən başlıca məqsəddir.
Qeyd edək ki, gənc idmançılar "İnkişaf və Təhsil Mərkəzi"nin
nəzdində öz fəaliyyətlərini davam etdirirlər.
Mənbə: azertag.az